Avioni ushtarak rus rrëzohet në kufi me Ukrainën, 4 të vdekur dhe dhjetëra të plagosur, piloti hidhet me parashutë! Lirohen 108 gra të kapur në fabrikat e çelikut Azovstal

Shtetet e Bashkuara paralajmëruan se do të ndërmarrin veprime kundër kompanive dhe shteteve që punojnë me Iranin në programin e tij të dronëve, pasi Rusia përdori dronë nga Irani për të kryer sulme kamikazë në Kiev.

“Kushdo që bën biznes me Irani, që mund të ketë çfarëdo lidhje me zhvillimin e dronëve, të raketave balistike apo të shitjes së armëve nga Irani në Rusi, duhet të ketë kujdes për veprimet e tyre. SHBA-ja nuk do të hezitojë të vendosë sanksione apo të ndërmarrë veprime ndaj keqbërësve”, tha më 17 tetor zëdhënësi i Departamentit amerikan të Shtetit, Vedant Patel.

“Rusia po varet nga aleanca me Irani dhe është diçka që e gjithë bota – veçanërisht ata në rajon – duhet ta shohin si një kërcënim të madh”, shtoi ai.

Patel tha se SHBA-ja po ashtu beson se dërgesat e dronëve nga Irani shkelin Rezolutën 2231 të Këshillit të Sigurimit të Kombeve të Bashkuara, që ishte pjesë e marrëveshjes bërthamore të vitit 2015.

“Ne besojmë se këta dronë janë transferuar nga Irani në Rusi dhe po përdoren nga Rusia në Ukrainë, dhe bëjnë pjesë në mesin e armëve që janë nën embargo sipas Rezolutës 2231”, tha ai.

Ndalesa ndaj eksporteve të armëve konvencionale nga Irani, skadoi në tetor të vitit 2020, pavarësisht përpjekjeve të OKB-së dhe SHBA-së – e cila u largua nga marrëveshja bërthamore – që kjo pikë e rezolutës të mbetej në fuqi.

Megjithatë, rezoluta ka edhe disa kufizime që skadojnë në tetor të vitit 2023, për eksportet që lidhen për raketat balistike që mund të bartin armë bërthamore.

Duke u thirrur në informacione të inteligjencës amerikane, që janë publikuar më herët, Patel tha se disa nga dronët iranianë që Rusia i ka blerë, nuk kanë funksionuar siç duhet.

Zyrtarët amerikanë më herët kanë deklaruar se Rusia – një eksportuese e madhe e armëve – po kthen sytë kah Koreja e Veriut për të blerë armë, ndërkaq Kina ka refuzuar thirrjet për ndihmë./REL

Ukraina tha se ka kryer një tjetër këmbim të burgosurish “në shkallë të gjerë” me Rusinë, duke shtuar se të gjithë të liruarit janë gra.

Kjo është hera e parë që Kievi dhe Moska këmbejnë të burgosura gra qëkur Rusia ka nisur pushtimin e Ukrainës në fund të shkurtit.

Andriy Yermak, kreu i Zyrës presidenciale, tha në Telegram se këmbimi ndodhi më 17 tetor dhe janë liruar 108 gra.

“Nënat dhe motrat ishin në burg, dhe familjarët e tyre po i prisnin”, tha Yermak. Në mesin e të liruarave ishin edhe 37 gra që kishin qenë të bllokuara në fabrikën e çelikut të Azovstalit, në Mariupol, kur forcat ruse dhe ato ukrainase zhvilluan luftime.

Qyteti-port i Mariupolit ra nën kontrollin rus në muajin maj. Shumica e grave ishin anëtare të forcave të armatosura të Ukrainës. Yermak postoi një fotografi të grave duke ecur në një rrugë dhe shumica nga to ishin të veshura me uniforma. Disa nga gratë ishin kapur para se Rusia të niste pushtimin e paprovokuar më 24 shkurt. Yermak shtoi se gratë do t’i nënshtrohen kontrolleve mjekësore dhe më pas do të kthehen te familjet e tyre. Ai nuk dha detaje sesa të burgosura ka liruar Ukraina.Këmbimi i fundit i të burgosurve midis Kievit dhe Moskës ndodhi më 13 tetor. Atëbotë, 20 ushtarë ukrainas u liruan. Po ashtu, më herët ishin liruar edhe 32 të burgosur të tjerë./REL

Një avion ushtarak Su-34 u rrëzua në Rusinë Jugore duke shkaktuar një bilanc me 2 të vdekur dhe 15 të plagosur.  

Si pasojë, 17 apartamente u dëmtuan, tha guvernatori i rajonit të Krasnodarit, Veniamin Kondratyev. Ministria e Mbrojtjes e Moskës tha se avioni u rrëzua në oborrin e ndërtesës dhe karburanti mori flakë.

Prej kohësh ushtria ruse është duke u përballur me mungesa në trupa për luftën në Ukrainë. Edhe pse presidenti Vladimir Putin nënshkroi një dekret për një mobilizim të pjesshëm që do të aktivizonte 300 mijë rezervistë, e vërteta është se mobilizimi është shumë larg kësaj shifre.

Sipas raportimeve të fundit nga agjencia e lajmeve NEXTA, pjesë e ushtrisë së Putinit tashmë janë bërë edhe mercenarë turq.

Kjo media ka publikuar në faqen zyrtare në Tëitter një video ku duken ushtarë të cilët mbajnë në veshje flamurin turk.

Bashkimi Evropian miratoi të hënën një mision trajnimi ushtarak në Evropë për mijëra trupa ukrainase dhe një plan për të siguruar rreth 500 milionë euro (486 milionë dollarë) fonde shtesë për të ndihmuar në blerjen e armëve për vendin e shkatërruar nga lufta .

Selia e BE-së tha në një deklaratë se qëllimi i misionit është të lejojë forcat e armatosura ukrainase të "kryejnë në mënyrë efektive operacione ushtarake", në mënyrë që Ukraina të mund "të mbrojë integritetin e saj territorial brenda kufijve të saj të njohur ndërkombëtarisht, të ushtrojë në mënyrë efektive sovranitetin e saj dhe të mbrojë civilët".

Ai tha se BE do të sigurojë "trajnim individual, kolektiv dhe të specializuar". Vendet që nuk janë pjesë e bllokut do të lejohen të marrin pjesë në përpjekjet e trajnimit. Synimi fillimisht është të trajnohen rreth 15,000 trupa ukrainase, kryesisht në Poloni dhe Gjermani.

Disa vende të BE-së dhe NATO -s po trajnojnë tashmë forcat e armatosura të Ukrainës në baza dypalëshe. I pyetur se çfarë vlere të shtuar do të sillte misioni me seli në Bruksel, shefi i politikës së jashtme të BE-së Josep Borrell tha të hënën se ai "është fort i bindur se duke bashkuar kapacitetet e ushtrive evropiane ne mund të ofrojmë një produkt shumë më të mirë".

NATO filloi trajnimin e instruktorëve ushtarakë në Ukrainë pasi Rusia aneksoi Gadishullin e Krimesë në vitin 2014. Aleanca ushtarake beson se trajnimi i trajnerëve është mënyra më efektive për të ndihmuar forcat e armatosura të Ukrainës pasi nuk kërkon trupat e nevojshme për betejë për t'u larguar nga vendi.

BE miratoi gjithashtu një këstin e gjashtë të parave, me vlerë 500 milionë euro (486 milionë dollarë), nga Fondi Evropian i Paqes – një fond që përdoret për të rimbursuar vendet anëtare që ofrojnë armë, municion dhe mbështetje ushtarake jo-vdekjeprurëse për Ukrainën.

Rreth 10 milionë euro (9.7 milionë dollarë) nga kjo shumë do të përdoren për të siguruar pajisje dhe furnizime, si pajisje mbrojtëse personale, komplete të ndihmës së parë dhe karburant.

Ai e çon në pak më shumë se 3 miliardë euro (2.9 miliardë dollarë) shumën totale të BE-së në mbështetjen e sigurisë që vihet në dispozicion për Ukrainën. Për më tepër, vendet individuale po shpenzojnë më shumë. Vendimet do të vijnë pothuajse tetë muaj pasi Rusia nisi pushtimin e saj në Ukrainë.

Presidenti i Ukrainës, Volodymyr Zelensky, do të publikojë një përmbledhje të fjalimeve të tij të luftës, të cilat botuesi i tij e ka cilësuar si "një thirrje lufte që bota të flasë dhe të luftojë për lirinë".

“Një mesazh nga Ukraina” do të përfshijë 16 fjalime të zgjedhura personalisht nga Zelenskiy, të cilat do të "eksplorojnë udhëtimin e Ukrainës që nga viti 2019", tha botuesi Penguin Random House.

Fjalimet do t'i ndihmojnë lexuesit "të kuptojnë ukrainasit: aspiratat tona, parimet tona dhe vlerat tona", tha Zelensky.

Libri do të përfshijë gjithashtu një hyrje të re, në të cilën Zelensky do të reflektojë mbi atë që ka mësuar për veten dhe Ukrainën që nga fillimi i konfliktit me Rusinë.

Të gjitha të ardhurat e presidentit nga libri do t'i dhurohen fondit United24. Drejtuar nga qeveria e Ukrainës, paratë nga fondi ndahen nga ministritë e qeverisë për të mbuluar nevojat e tyre më të ngutshme.

Zelenskiy tha se "mbështetja e Ukrainës nuk është një trend, një meme apo një sfidë virale".

“Nëse doni të kuptoni se nga jemi, çfarë duam dhe ku po shkojmë, duhet të mësoni më shumë se kush jemi ne”, shtoi ai. "Ky libër do t'ju ndihmojë të bëni pikërisht këtë."

Një Mesazh nga Ukraina do të përfshijë një parathënie nga Arkady Ostrovsky, redaktori i Rusisë dhe Evropës Lindore i Economist, i cili do të shpjegojë kontekstin e fjalimeve dhe pse ato kanë rëndësi. Ostrovsky tha se libri do të reagojë se "si Ukraina ka gjetur zërin dhe forcën e saj". Libri do të botohet nga Hutchinson Heinemann i Penguin Random House në Mbretërinë e Bashkuar, por edhe në vende të tjera, duke përfshirë SHBA-në, Gjermaninë, Spanjën dhe Portugalinë.

Rowan Borchers, drejtor editorial në Hutchinson Heinemann, tha: “Gjatë shtatë muajve të fundit, fjalimet e Presidentit Zelenskiy janë bërë një thirrje për të gjithë ata që kujdesen për të ardhmen e demokracisë. Është nderi i një jete ta ndihmosh atë të ndajë mesazhin e tij me botën.” Ndërkohë, një mesazh nga Ukraina do të publikohet më 24 nëntor.

Në rajonin lindor të Sumy, guvernatori njoftoi se tre persona ishin vrarë dhe disa të tjerë u plagosën pas sulmeve me dronë rusë.

“Në orën 5:20 të mëngjesit, tre raketa ruse goditën një objekt të infrastrukturës civile. Të paktën tre persona kanë vdekur. Nëntë janë të plagosur. Ka ende njerëz nën rrënoja”, tha në Telegram guvernatori rajonal i Sumy-it, Dmytro Zhyvytsky.

Zhyvytsky shtoi gjithashtu se banorët duhet të reduktojnë konsumin e energjisë elektrike gjatë orëve të ngarkuara pasi më shumë se një mijë njerëz u shkëputën nga energjia elektrike pas sulmit.

Po ashtu më herët në Kievi, pati sulme po ashtu orët e para të mëngjesit duke lënë tre të vdekur dhe disa të plagosur.

Sulmet erdhën saktësisht një javë pasi Rusia nisi bombardimet më të rënda ajrore të Kievit dhe qyteteve të tjera të Ukrainës që nga fillimi i luftës. Ushtria e Ukrainës tha se kishte shkatërruar 37 dronë rusë që nga mbrëmja e së dielës.

Mykhailo Podolyak, një këshilltar i presidentit ukrainas, tha se Irani ishte përgjegjës për "vrasjen e ukrainasve" ​​pasi Rusia sulmoi qytetet ukrainase me ato që, sipas Kievit, ishin drone të prodhuar nga Irani . Në javët e fundit, Ukraina ka raportuar për një seri sulmesh ruse të kryera me drone ‘Shahed-136” të prodhuar nga Irani.

Irani mohon furnizimin e tyre me Rusinë, ndërsa Kremlini nuk ka komentuar.

“Irani është përgjegjës për vrasjen e ukrainasve, një vend që shtyp popullin e vettani po furnizon përbindëshat e Rusisë me armë për vrasje masive në zemër të Evropës. Kjo është ajo që do të thotë punë e papërfunduar dhe lëshime ndaj totalitarizmit. Rasti kur sanksionet nuk mjaftojnë”, shkroi në Twitter këshilltari presidencial ukrainas Mykhailo Podolyak.

Nënkryetari i Këshillit të Sigurimit të Rusisë Dmitri Medvedev ka deklaruar se Rusia do të ndërpresë marrëdhëniet me Izraelin nëse ai furnizon me armë Kievin.

"Duket se Izraeli do të furnizojë me armë regjimin e Kievit. Një veprim shumë i nxituar. Ai do të shkatërrojë të gjitha marrëdhëniet midis vendeve tona." , tha nënkryetari i Këshillit të Sigurimit rus Dmitri Medvedev në Telegram duke reaguar në këtë mënyrë ndaj njoftimit të Izraelit për të mbështetur Ukrainën në luftë.

Irani ka mohuar raportet se po furnizon Rusinë me drone të përdorur në Ukrainë, transmeton Rueters.

Zëdhënësi i Ministrisë së Jashtme të vendit, Nasser Kanaani, tha: “Lajmet e publikuara se Irani i ofron Rusisë dronë ka ambicie politike dhe qarkullohet nga burime perëndimore.

“Ne nuk i kemi ofruar armatim asnjërës palë të vendeve në luftë.”

Austria, megjithatë, ka thënë se çdo përdorim i dronëve iranianë do të shënonte një “përshkallëzim” të konfliktit.

Duke folur me gazetarët teksa mbërriti për një takim të ministrave të jashtëm të BE-së në Luksemburg, Ministri i Jashtëm austriak Alexander Schallenberg tha: “Këta dronë kamikaze që po i shohim në Ukrainë me sa duket tani – ky është një përshkallëzim”.

Sigurimi i pajisjeve për Rusinë është një mbështetje aktive për luftën e Moskës kundër Ukrainës, shtoi ai.

Të paktën një person është vrarë pasi Rusia sulmoi me 28 dronë kamikazë kryeqytetin e Ukrainës orët e para të mëngjesit.  Lajmi u bë i ditur nga Vitali Klitschko, kryebashkiaku i Kievit. 

"Në mëngjes, 28 dronë fluturuan në drejtim të Kievit. Falë forcave tona të armatosura dhe mbrojtjes ajrore, shumica e ‘terroristëve fluturues’ u rrëzuan. Gjithsej pesë shpërthime u dëgjuan në Kiev. Njëri prej tyre është në një ndërtesë banimi në lagjen Shevchenkiv. Ekipet e shpëtimit vazhdojnë shuarjen e strukturave të godinës dhe punën për çmontimin e mbeturinave. Më herët u shpëtuan 18 banorë të pallatit. Dy ishin nën rrënoja. Së fundmi është gjetur trupi i një gruaje të pajetë. Sipas të dhënave paraprake, nën rrënoja është edhe një person. Operacionet e kërkim-shpëtimit janë në vazhdim", u shpreh  ai.

Presidenti ukrainas Voldymyr Zelensky ka reaguar ndaj sulmeve ruse të mëngjesit të sotëm në kryeqytet me dronë kamikazë .

 "Gjithë natën dhe gjithë mëngjesin armiku terrorizon popullsinë civile. Drone dhe raketa kamikaze sulmojnë të gjithë Ukrainën. Një ndërtesë banimi është goditur në Kiev. Armiku mund të sulmojë qytetet tona, por ata nuk do të mund të na shkatërrojnë. Pushtuesit do të ketë vetëm një dënim të drejtë dhe dënimin e brezave të ardhshëm. Dhe ne do të arrijmë fitoren.", thotë lideri ukrainas.

Pas sulmeve me dronë në Kiev dhe sulmeve me raketa në infrastrukturë në rajonet Dnipropetrovsk dhe Sumy këtë mëngjes, u shpall një alarm ajror në të gjithë Ukrainën. 

Roman Malyk

Koloneli Roman Malyk, përgjegjës për përpjekjet kryesore të Rusisë për t'u mobilizuar kundër Ukrainës, u gjet i vdekur në rrethana "të dyshimta", tha një raport të dielën. Malyk thuhet se ishte një ndihmës i ngushtë i presidentit rus Vladimir Putin. Ai u gjet i vdekur në rezidencën e tij në fshatin e zonës Primorsky të Rusisë.

Një hetim ka nisur për vdekjen e tij dhe vetëvrasja nuk është përjashtuar si shkak nga policia ruse, thuhet në raportet. Ky është rasti i fundit në një varg vdekjesh "misterioze" të aleatëve të ngushtë të Putinit. Muajin e kaluar, oligarku rus Ivan Pechorin u gjet i vdekur në një gjendje misterioze në Vladivostok, kishte thënë një raport i CNN.a

Raportet se vdekje të tilla misterioze të drejtuesve rusë, apo personave të afërt me Putin nuk janë të pa dëgjuara.  Nga të gjithë biznesmenët që kanë vdekur në 7 muajt e fundit në Rusi, thuhet se gjashtë ishin të afërt me Vladimir Putin. Ata ishin të lidhur me dy kompanitë më të mëdha të energjisë ruse.