KILI - Në gjirin e Puerto Montt në Kili, mijëra peshq të ngordhur u nxorrën në breg nga dallgët e detit duke habitur autoritetet dhe dëshmitarët.

Mbetet ende e paqartë se çfarë shkaktoi të ngordhje në masë të peshqve të ndryshëm si sardele etj.

Drejtori rajonal i Shërbimeve Kombëtare të Peshkimit, Eduardo Aguilera, u shpreh se e gjithë zona e bregut u kontrollua, por nuk u gjet ndonjë shenjë kontaminimi, hidrokarbon apo diçka e tillë.

Autoritetet i kanë paralajmëruar banorët e zonës të mos mbledhin peshqit e ngordhur, të cilët kanë tërhequr vëmendjen e qindëra zogjve për t’u ushqyer.

Redaksia Online
(Erin Dini/a.ç/shqiptarja.com)