POP 5

Lajmet më të lexuara të 5 minutave të fundit

Bota

Kim Jong Un ekzekuton 30 zyrtarë, pas përmbytjeve që shkaktuan 4 mijë viktima

Tridhjetë zyrtarë të lartë të një province në Korenë e Veriut janë ekzekutuar për shkak se nuk parandaluan përmbytjet me pasojë 4 mijë viktima. Lajmi është dhënë nga 'The New York Post', e cila i referohet një raporti të publikuar nga mediat e Koresë së Jugut, raport që nuk është verifikuar ende nga ndonjë media e pavaruar.

Udhëheqësi i Koresë së Veriut, Kim Jong-Un urdhëroi ekzekutimin e 30 zyrtarëve për dështimin për të parandaluar përmbytjet masive dhe rrëshqitjet e tokës në verë, që shkaktuan vdekjen e rreth 4 000 personave dhe zhvendosjen e më shumë se 15 mijë të tjerëve, sipas medias koreano-jugore, shkruan sot 'The New York Post'.

Një zyrtar tha se ”rreth 30 drejtues qeveritarë në Korenë e Veriut ishin akuzuar për korrupsion dhe shpërdorim detyre, me shtetin që i dënoi ata me vdekje

”Rreth 30 kuadro në zonën e goditur nga përmbytjet u ekzekutuan në të njëjtën kohë, në fund të muajit të kaluar”, tha ky zyrtar për median.

Raportet e ekzekutimeve nuk janë verifikuar nga medie të pavarura. Zyrtarët që u ekzekutuan nuk u identifikuan, por raporti vuri në dukje se, sekretari i Komitetit të Partisë të Chagangut që nga viti 2019, ishte ndër udhëheqësit e shkarkuar nga Kim, në një takim urgjent gjatë fatkeqësisë së përmbytjeve.

Kim u pa muajin e kaluar duke vëzhguar zonat e dëmtuara dhe duke u takuar me banorët, pasi ai vlerësoi se do të duheshin muaj për të rindërtuar lagjet e përmbytura. Udhëheqësi i Koresë së Veriut kritikoi gjithashtu raportet nga Koreja e Jugut për numrin e të vdekurve duke hedhur poshtë pretendimet për mijëra të vrarë.

Në vitin 2019, shteti koreano-verior dyshohet se ekzekutoi, të dërguarin e tij bërthamor në SHBA, për dështimin për të negociuar një samit midis Kim dhe presidentit të atëhershëm të SHBA-së, Donald Trump.

”Më pas u zbulua se Chol ishte thjesht në paraburgim”, raporton CNN.

Xh.K/r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • DEMOKRAT: 04/09/2024 15:01

    SUPER pastrim! e njëjta gjë na duhet edhe në Shqipëri.Sepse ata njerëz janë fajtorë dhe, nëse i futim në burg, ne ende paguajmë faturat e tyre!

    Përgjigju
  • Sondazhi i ditës:
    27 Nëntor, 11:43

    Si e vlerësoni vendimin e GJKKO që liroi Berishën nga arresti shtëpiak?

Lajme të tjera



×

Lajmi i fundit

Ja pse 'lirimi' i Sali Berishës i gëzoi të gjithë

Ja pse 'lirimi' i Sali Berishës i gëzoi të gjithë

27 Nëntor, 23:04 nga Flogert Muça