Kim takon zv. Kryeministrin i kërkon mazhorancës masa të vërteta kundër korrupsionit: Nëse jo tani, kur?

Ambasada e Shteteve të Bashkuara insiston në luftën kundër korrupsionit që Shqipëria duhet ta ketë prioritet. Vetë ambasadorja Kim ka ripërsëritur thirrjen. Pas një takimi me Zv/Kryeministrin Arben Ahmetaj, Kim shkroi në Twitter se SHBA-të janë jashtëzakonisht shumë serioze mbi korrupsionin, ndërsa nxisin qeverinë shqiptare që të marrë masa të vërteta për një Shqipëri më të drejtë e më të fortë.

“U takova me Zv. Kryeministrin e ri Arben Ahmetaj për të theksuar dëshirën e SHBA për bashkëpunim të fortë në demokraci, mbrojtje & biznes. Nënvizova gjithashtu se SHBA janë jashtëzakonisht shumë serioze mbi korrupsionin si pjesë e interesit tonë kombëtar. Ne nxisim qeverinë që të marrë marrë masa të vërteta, në mënyrë që Shqipëria të jetë më e drejtë, më e fortë dhe më e pasur.

Ne biseduam rëndësinë e zgjidhjes së të drejtave të pronës, përfshirë përmes dixhitalizimit të arkivave për të ndalur ndërhyrjen ilegale njerëzore; zbatimin e reformës në drejtësi në mënyrë që qytetarët & investuesit të mbështeten në gjykata të pastra; adresimin e pastrimit të parave dhe shqetësimeve të tjera të ngritura nga Task Forca për Veprim Financiar (FATF)”.

LEXO EDHE:
Gjykata e Apelit në Nju Jork rrëzon dënimin e Harvey Weinstein

 30 vjet nga përfundimi i diktaturës komuniste, udhëheqësit e Shqipërisë nga të gjitha krahët duhet të shfrytëzojnë mundësinë për t’i ndalur zakonet e këqija të së kaluarës, për të bërë ndryshime të vështira, por të nevojshme, në mënyrë që brezi i ardhshëm të ketë një të ardhme më të mirë. Nëse jo tani, kur? SHBA do të vazhdojnë të jenë me ju në mbështetje të plotë”, ka shkruar ambasadorja Kim.

K.T./Shqiptarja.com

TAG:
• SHBA
• KORRUPSIONI
• arben ahmetaj
• ambasada e shba
• Yuri Kim