Kishte mbushur furgonin me sirianë e irakianë për t'i çuar në Shkodër, arrestohet 39-vjeçari në Kamëz

Foto ilustruese

Një 39-vjeçar është vënë në prangat e policisë në qytetin e Kamzës për shkak se është kapur duke transportuar 6 irakienë e sirianë ilegalisht.

I arrestuari është I.Q banues në Bathore-Kamëz. Ai transportonte me furgonin e tij 'Ford' në drejtim të Shkodrës  për në Mal të Zi me destinacion final një nga vendet e BE-së, 6 shtetas nga Iraku dhe Siria. Në këmbim të këtij transporti 39-vjeçari do të merrte një shumë të konsiderueshme parash por  plani nuk ka shkuar ashtu siç ai mendonte dhe ka marrë prangat e policisë.

Emigrantët e paligjshëm, tre nga Siria dhe tre nga Iraku iu dorëzuan në Drejtorisë Vendore të Kufirit dhe Migracionit Tiranë, për veprime të mëtejshme.

Ndërkohë 39-vjeçari nga Kamza do të akuzohet për veprën penale, “Ndihma për kalim të paligjshëm të kufirit”.

  • Sondazhi i ditës:

    Skandali me nënshtetësitë pa asnjë verifikim, a duhet të ngrihet një komision hetimor për presidentin llir Meta?

Komento


×

Lajmi i fundit

John

Pesë fëmijë në Siri/ Gjyshërit apel nga Pogradeci: Kemi 5 nipër në kamp, mbesën e kanë mashtruar, i lutem shtetit t'i shpëtojë (VIDEO)