X

POP 5

Lajmet më të lexuara të 5 minutave të fundit

Ekonomi

KKLT, Denaj: Kemi arritur rezultate konkrete në thjeshtimin dhe lehtësimin e procedurave doganore

Ditën e sotme u zhvillua online një takim i Komitetit Kombëtar për Lehtësimin e Tregtisë.  E pranishme në këtë mbledhje ka qenë edhe ministrja e Financave dhe Ekonomisë, Anila Denaj. Në fjalën e saj ministrja u shpreh se gjatë 3 viteve ky komitet ka arritur të prodhojë rezultate konkrete në drejtim të lehtësimit të tregtisë.

KKLT, Denaj: Kemi arritur rezultate konkrete në thjeshtimin dhe lehtësimin e procedurave doganore

Ministrja Anila Denaj

Ditën e sotme u zhvillua online një takim i Komitetit Kombëtar për Lehtësimin e Tregtisë. E pranishme në këtë mbledhje ka qenë edhe ministrja e Financave dhe Ekonomisë, Anila Denaj. Në fjalën e saj ministrja u shpreh se gjatë 3 viteve ky komitet ka arritur të prodhojë rezultate konkrete në drejtim të lehtësimit të tregtisë.

"Rezultate si krijimi i portalit të dedikuar tregtia.gov.al, inventari i tarifave të procedurat e import/eksportit, kryerja për herë të parë e studimit mbi matjen e kohës së procedurave në kufi, miratimi i  manualit “Informacioni Detyrues i Origjinës” dhe Informacioni Detyrues i Tarifës, krijimi i një strukture të dedikuar dhe centralizuar tek administrata  Doganore për Vlerësimin e mallrave, si dhe funksionimin 24/24 i administratës doganore apo krijimi i pikës së  përbashkët Morinë/Vërmicë”, renditi Denaj.

Ndërkohë, ministrja u shpreh më tej se, procedurat doganore janë lehtësuar, duke dhënë detaje për vitin 2020. 

“Gjatë këtyre viteve indikatorë të rëndësishëm pozitivë janë realizuar në thjeshtimin dhe lehtësimin e procedurave doganore. Konkretisht, gjatë vitit 2020, edhe pse me një situatë të vështirë pandemie: u rrit 3.1% përqindja e kompanive që kalojnë në kanalin jeshil, u rrit me 4.1% përqindja e kompanive që kalojnë në kanalin blu, duke ulur me minus 1,1% kanalin e kuq dhe ulur me minus 6% kanalin e verdhë”, theksoi Denaj.

Pjesëmarrës në këtë takim ishin edhe Zëvendësministri i Financave dhe Ekonomisë, Besart Kadia, Drejtori i Përgjithshëm i Doganës  Gent Gazeli, si edhe përfaqësues të biznesit.

Komiteti është një grup pune këshillues dhe koordinues i kryesuar nga Ministri i Financave dhe Ekonomisë, që ka si objektiv përmirësimin e procesit të politikës tregtare dhe lehtësimin e tregtisë, nëpërmjet dialogut mes përfaqësuesve të qeverisë, komunitetit të biznesit në Shqipëri dhe grupeve të tjerë të interesuara.

 

K.T./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    A ka politika frikë nga SPAK-u?

Lajme të tjera



×

Lajmi i fundit

Meta në 'sulm', Milaim Zeka në 'Frontline': Arrestimet e mëdha bëhen fundjavave! Nuk mund askush të fitojë luftën ndaj Amerikës

Meta në 'sulm', Milaim Zeka në 'Frontline': Arrestimet e mëdha bëhen fundjavave! Nuk mund askush të fitojë luftën ndaj Amerikës

25 Prill, 22:50