Kleriku i lartë i Turqisë cilësoi si të pamoralshme komentet e bëra nga Papa Françesku, sipas të cilit vrasja masive e armenëve në 1915 ishte genocid dhe tha se Vatikani duhet të shohë historinë e vet para se të hedhë akuza. Papa Francesku është kreu u parë i kishës katolike romake që ka cilësuar publikisht vrasjen e mbi 1.5 milionë armenëve si ‘genocid’.
 
"Vatikani do të dalë si humbësi më i madh në qoftë se të gjithë do të nisim të japim llogari për vuajtjet dhe dhimbjet e shkaktuara kohë më parë",-  tha Mehmet Gormez, kreu i Drejtorisë së Çështjeve Fetare në një intervistë për Reuters.
 
"Gjendja aktuale e miliona refugjatëve sirianë nuk e shqetëson Vatikanin derisa vazhdon të diskutojë ngjarjet e deportimit armen?”- tha ai, duke iu referuar refugjatëve nga lufta civile e Sirisë, që po strehohen në Turqi.
 
"Unë i gjej deklaratat e Papës të pamoralshme, dhe nuk mund të pajtohem me vlerat themelore të krishterimit",- u shpreh ai. 

Redaksia Online
(m.p/shqiptarja.com)