Nga Klesiana Omeri
Prej fillimit të 2019-s, klinikat dentare në vend mësohet se po aplikojnë një listë të re me çmimet dysheme për shërbimet bazë që ofrojnë, duke i rritur tarifat me 100%. Për një mbushje dhëmbi të gradës së dytë, përpara 1 janarit, pacientët në klinikën e tij duhet të paguanin 2,000 lekë, ndërsa tani me çmimin dysheme që ka vendosur Urdhri i Stomatologut, pacientët duhet të paguajnë 4,000 lekë, ose dyfish.
Rritje ka pasur edhe për shërbimet e tjera dentare. Pjesa më e madhe e klinikave në vend për vizitat e pacientët (ekzaminim me sy) i kanë falas, por prej 1 janarit për vizitat çmimi dysheme është 500 lekë. Për mbushjet e gradës së tretë, çmimi ishte 3,000 lekë, ndërsa me referencën e re çmimi bëhet 5.000 lekë (2.000 lekë më shumë, shtrenjtim 67%). Çmimi për pastrimin e gurëzave dhe të cipave bëhet 3.000 lekë, nga 1.500 lekë, sa dyfishi. Heqja e dhëmbëve bëhet 1.000 lekë nga 500 që ishte.
Lista e çmimeve dysheme për shërbimet dentare
Pas kësaj situate ka reaguar Drejtori i Urdhrit të Stomatologëve Nikoll Deda. Për Report Tv ai thotë se kjo listë çmimesh ka karakter sensibilizues dhe nuk është e detyrueshme për dentistët. Sipas tij, "kjo vendosje e çmimeve është kërkuar nga vetë dentistria".
S’ka asnjë qindarkë rritje çmimesh. Ato janë çmime dysheme, çmime orientuese, nuk kanë asnjë fuqi detyruese për dentistët, por janë për qytetarin. Çdo dentist është i lirë të punojë me çmimet që dëshiron.
Nikoll Deda, President i Urdhrit të Stomatologëve
Por pikërisht kjo deklaratë e bën të paqartë situatën dhe vendos në pozita të vështira klinikat dentare. Në listën e publikuar nga Urdhri i Stomatologëve që mban vulën dhe firmën e presidentit të këtij institucioni thuhet se kjo listë çmimesh është dysheme çka nuk lejon çmime të tjera poshtë çmimeve të publikuar në këtë listë. Po në këtë dokument thuhet se: “Për shërbimet e tjetra të papërfshira në listë dentistët janë të lirë të vendosin vetë çmimet”, duke vendosur kufizime për dentistët dhe duke detyruar këta të fundit të rrisin çmimet e shërbimeve që ofrojnë. Por edhe pse Presidenti i Urdhrit të Stomatologëve thotë se klinikat dentare nuk janë të detyruar të aplikojnë këto çmime, për Report Tv dentistët shprehen se ka filluar rritje e çmimeve, madje janë skeptikë nëse qytetarët do jenë dakord ose jo.
"Këtë njoftim ne e kemi parë në faqen e Urdhrit të Stomatologëve. Është thënë që kjo listë në janar do i ndërtohet Ministrisë së Financave dhe të Ekonomisë. Ne momentalisht e kemi aplikuar këtë listë, i kemi rritur pak çmimet, potr jo në ato nivele që ka parashikuar Urdhri, po e testojmë me qytetarët. Për zonat periferike apo zonat pak më në rrethe mund të jetë pak e vështirë për shkak të nivelit social. Mund të jetë pak e vështirë si për mjekët ashtu dhe për pacientët të adaptohen me këto çmime", shprehet një stomatolog.
Ky vendim i Urdhrit të Stomatologut, i miratuar dhe nga Asambleja Kombëtare dhe Këshilli Kombëtar, detyron klinikat dentare të rrisin çmimet për shërbimet që ofrojnë. Ndërkohë, kundër këtij vendimi ka dalë Ministria e Shëndetësisë. Përmes një deklarate të shpërndarë për mediat theksohet se Ministria Shëndetësisë është shprehur kundër vendimit të urdhrit të stomatologëve për tarifat dysheme për shërbimet dentare. MSH thekson gjithashtu se nuk është tagër i Urdhrit të Stomatologut caktimi i çmimeve për shërbimet dentare.
Vendimi i Urdhrit të Stomatologut është i paaplikueshëm sepse nuk është tagër i Urdhrit. Që kur është bërë mbledhja përfaqësuesit tanë kanë votuar kundër. Ky vendim nuk është i aplikueshëm.
Ministria e Shëndetësisë
Lidhur me këtë çështje ka reaguar dhe deputeti i PD-së Tritan Shehu i cili e quan një dështim të politikave sociale të Rilindjes. Deputeti Shehu ka kërkuar ndërhyrjen e shtetit, për të krjuar mbulesat financiare për qytetarët dhe stomatologjinë. Ndërsa nënkryetari i Komisionit të Shëndetësisë dhe njëherazi deputeti i PD, Bardh Spahia ka akuzuar qeverinë se është përfshirë në këtë vendim “të paligjshëm” dhe “korruptiv” me heshtjen e saj. Ai akuzoi konkretisht Ministrinë e Financave dhe atë të Shëndetësisë (Lexo këtu).
Komente
Lajme të tjera
-
Denoncimi/ 2-vjeçari me tumor në bark nuk nis dot kimioterapinë, mungon medikamenti ‘Actinomycin D’ në QSUT
24 Dhjetor, 16:04 -
Koçiu: Rreth 55 mijë shërbime në banesë për të moshuarit dhe të sëmurët kronikë që nga Janari
13 Dhjetor, 16:59 -
OBSH: Shqiptarët 59.7% të shpenzimeve nga xhepi në shëndetësi! Koçiu: 130 milionë euro për rimbursimin e ilaçeve me buxhetin e 2025
12 Dhjetor, 16:34 -
Më shumë lekë për para e tetraplegjikët, rritet pagesa për paketën higjieno-sanitare! Nga 16 në 20 mijë lekë! Mbështetje edhe për kujdestarët
4 Dhjetor, 17:16
-
Minimumi jetik, ministrja Koçiu tregon pse u rrëzua amendamenti i PD-së: Duhet dakordësi për mënyrën si do të matet
4 Dhjetor, 15:30 -
Borxhet e mbartura të Bashkive dhe Ministrive 10,5 mld lekë! Investime pa pasur fonde, Kavaja rekord, Tirana i përgjysmon për 9 muaj
1 Dhjetor, 18:35
-
Vaksinat kundër kancerit të qafës së mitrës te vajzat, Koçiu: Janë aplikuar mbi 9,344 doza te moshat 13-20 vjeçe
23 Nëntor, 15:17 -
Komisioni i Shëndetësisë miraton nen për nen Buxhetin 2025, bëhen edhe propozime të reja: Të rritet pagesa e invaliditetit!
20 Nëntor, 16:42 -
Importet e barnave nga India, Bangaldeshi e Kina me autorizim ministri, KLSH: Në 3 vite pa analiza fiziko-kimike
20 Nëntor, 07:44 -
Si do shpenzohen 8.2 mld euro në vitin 2025? Ja shpërndarja e buxhetit, institucionet që marrin më shumë lekë
19 Nëntor, 19:21
-
Koçiu: Shërbim dentar falas edhe të shtunën e parë të çdo muaji për të moshuarit
26 Tetor, 15:52 -
Partia Demokratike denoncon: Ministria e Shëndetësisë ka monopolizuar blerjen e oksigjenit mjekësor në duar të dy kompanive! Çmimi 3-4 herë më i lartë se rajoni
19 Tetor, 11:15
Yyyyyyt fundërrinat!
PërgjigjuPRAPE DUAN TE NA RRJEPIN ?!
PërgjigjuMe vjen keq per veten...po per keta 1milion shpullagjite keshtu ju shkofte jeta me naften dhembet parkingun qeset taksat energjine ujin rruget te gjitha vetem rritje...ska problem se kur te shkojne te dentisti paguajne me reforme keta
Përgjigju