Ai është moderator i një programi të ri muzikor të përditshëm të titulluar “Mess” në një format me të ftuar VIP, ku trajtohen tema të ndryshme nëpërmjet intervistave me personazhe. I kontaktuar nga “Shqiptarja.com”, modeli Zeqiraj shprehet se nuk e ka braktisur modelingun, por sheh atë si jofitimprurës.
Ndërsa nga ana tjetër, televizioni për të mbetet primar. “Realisht nuk është eksperienca ime e parë në televizion, sepse kam punuar dhe më përpara në televizione të ndryshme si prezantues. Sigurisht ambicia ime është televizioni dhe primarja për mua! Modelingu është pasion, hobi! Nuk e shoh si diçka fitimprurëse aq më tepër në Shqipëri. Domethënë vjen e dyta mbas televizionit”, u shpreh Zeqiraj.
Ai thotë gjithashtu se kjo eksperiencë e re e ka bërë atë të jetë në komunikim të vazhdueshëm me personazhe VIP. Të ftuarit e tij të parë të emisionin “Mess” që transmetohet nga e hëna në të premte kanë qenë stilistja e njohur, Rezarta Skifteri, këngëtarët Ervin Bushati, Era Rusi, Redon Makashi dhe Semi Jaupaj.
Redaksia Online
(m.p/shqiptarja.com)