Kloop thyen ‘mallkimin’ e finaleve në ‘Champions’, por ja çfarë deklaroi gjermani dhe Pochetino pas ndeshjes

Më i gëzuar në kampin e ‘the reds’ pas fitimit të ‘Champions League’ ishte trajneri Jurgen Kloop, i cili pas dy finaleve të humbura më parë arriti që më në fund të fitonte trofeun. Pas ndeshjes ai u shpreh:

“Jam kaq i lumtur për djemtë, për familjen time. Ata vuajnë për mua, ata e meritojnë më shumë se kushdo. Keni parë ndonjëherë skuadër si kjo, të luftojë edhe pa karburant? Kemi edhe një portier që i bën gjërat të duken shumë të thjeshta. Është nata më e mirë e gjithë jetëve tona profesionale.”

Ndërkohë trajneri i Tottenham, Mauricio Pochetino deklaroi: “Ne duhet të jemi krenar për atë që kemi bërë. Luftuam deri në fund për fitoren. Në pjesën e dytë zhvilluam një lojë mjaft të mirë, por nuk ishte e lehtë ndaj një skuadre që lëviz aq mirë në tranzicion. Ndeshja thuajse filloi 1-0 për kundërshtarët, ishte një situatë e vështirë, por u përpoqëm.”

Kjo ishte hera e parë që Tottenham arrintë në një finale të “Champions League”, ndërsa për Liverpool-in suksesi vjen pas 14 vitesh, pikërisht që nga koha e finales së çmendur kundër Milanit në Stamboll. Me këtë triumf Liverpool bëhet skuadra e tretë më me shumë trofe ‘Championsi’, pasi para saj ka vetëm Milanin dhe Real Madrid.

Ne.k./Shqiptarja.com

TAG:
• champions league
• liverpool
• Tottenham