Klosi: Kush hedh mbetje inerte ne vende te palicencuara, i hiqet leja e ndërtimit

Kush hedh mbetje inerte ne vende te palicensuara, i hiqet leja e ndërtimit. Këto do të jenë masat e ashpra që do të merren për të gjitha subjektet ndërtimore që kryejnë këtë shkelje.

Ministri i Turizmit dhe Mjedisit, Blendi Klosi dhe nënkryetari i Bashkisë së Tiranës, Arbjan Mazniku, inspektuan sot situatën e mbetjeve inerte në liqenin e Kodër- Mëzez, që është kthyer në një vendgrumbullim mbetjesh dhe intertesh.

Ministri i Turizmit dhe i Mjedisit, Blendi Klosi nga inspektimi i situatës së mbetjeve inerte në liqenin e Kodër- Mëzez e cilësoi të papranueshme situatën e hedhjes së mbetjeve inerte, ndërsa bëri të ditur se mbi 30 subjekte ndërtuese janë penalizuar me gjoba dhe pezullime nga Inspektoriati Shtetëror i Mjedisit për hedhje të mbetjeve inerte jashtë vendepozitimeve të licensuara nga bashkia.

LEXO EDHE:
Rienergjizimi/ PS mbledh drejtuesit e qarqeve, mungon Rama! Analizë e punës në terren

Inspektoriati i Mjedisit sëbashku me inspektoratin e bashkisë, kanë penalizuar mbi 30 subjekte, të cilët janë kapur në shkelje të këtij ligji. Por kjo është një masë e pamjaftueshme, do të vazhdojmë me masa më të ashpra, duke shkuar deri ne heqjen e lejes për ndërtim të këtyre subjekteve, pasi nuk mund të tolerojmë që mjedisi të trajtohet si mall pa zot.

 Ministri i Turizmit dhe i Mjedisit, Blendi Klosi

Ky është një problem, i cili tashmë ndërmjet planit urbanistik të qytetit, është miratuar 1 vit më parë. por edhe një set rregullimesh të tjera janë sistemuar. Tashmë duhet që aktorët e caktuar që duhet ta kryejnë këtë lloj aktiviteti, të ndjekin rregullat e procedurat e duhura. Dhe të mos i hedhin mbetjet në natyrë, sepse natyra është e të gjithëve.

Nënkryetari i Bashkisë së Tiranës, Arbjan Mazniku

TAG:
• blendi klosi
• arbjan mazniku
• Kodër- Mëzez

Sondazhi i ditës:

Rithemelimi propozon votimin e detyrueshëm, jeni dakord?

• Po

  18.5%

• Jo

  78.7%

• Nuk e di

  2.8%

Vota total: 108

• Sondazhi i ditës:

  Rithemelimi propozon votimin e detyrueshëm, jeni dakord?

  Po Jo Nuk e di