POP 5

Lajmet më të lexuara të 5 minutave të fundit

Ekonomi

KLSH: ALUIZNI Vlorë
250 mijë euro dëm shtetit

Kontrolli i Lartë i Shtetit ka çuar për ndjekje penale dy drejtuesit kryesorë të ALUIZNI-t Vlorë dhe ka kërkuar zhdëmtimin në masën 35.5 milionë lekësh të reja për 14 punonjës të degës së Agjencisë së Legalizimeve.
TIRANE - Kontrolli i Lartë i Shtetit ka çuar për ndjekje penale dy drejtuesit kryesorë të ALUIZNI-t Vlorë dhe ka kërkuar zhdëmtimin në masën 35.5 milionë lekësh të reja për 14 punonjës të degës së Agjencisë së Legalizimeve. Kontrolli i Lartë i Shtetit, në 15 ditorin e dytë të muajit qershor 2012 përfundoi dhe miratoi materialet e auditimit të ushtruar në Agjencinë e Legalizimit, Urbanizimit dhe Integrimit të Zonave/Ndërtimeve Informale Drejtoria Rajonale e Qarkut Vlorë me objekt: “Mbi zbatimin e ligjshmërisë dhe rregullshmërisë së veprimtarisë ekonomiko-financiare” ku ndër drejtimet kryesore të Auditimit ka qenë “Zbatimi i procedurave ligjore në legalizimin e ndërtimeve informale”.
Auditimi u krye për periudhën 2008-2011 dhe nga 841 dosje të pajisura me leje në këtë periudhë, u kontrolluan 76, ose më pak se 10 përqind e tyre. Nga këto, 70 ose mbi 90 përqind kanë dalë me probleme. Për periudhën objekt auditimi, nga 120 dosje të përfunduar e të dërguara nga Drejtoria Rajonale në Drejtorinë Qendrore të ALUIZNI-t, për t’u pajisur me Leje Legalizimi u audituan 48 prej tyre dhe u konstatua se:
- në 17 raste për 3,159.6 m2 e ka ndarë parcelën ndërtimore, e cila duhet shitur me vlerën e tregut, ndarje kjo në kundërshtim me ligjin nr. 9482, datë 03.04.2006 “Për legalizimin, urbanizimin dhe integrimin e ndërtimeve pa leje“ nenet 19 dhe 20, duke i shkaktuar si rrjedhojë një dëm Buxhetit të Shtetit për fondin e kompensimit në shumën 35,316,286 lekë.
-në 10 raste, në shumën 429,455 lekë në është paguar më pak Taksa e Ndikimit në Infrastrukturë, çka përbën dëm ekonomik.
Përsa i përket masave disiplinore, KLSH mbështetur në “Kodin e Punës të Republikës së Shqipërisë” i ka rekomanduar ALUIZNI-t qarku Vlorë fillimin e procedurave ligjore për dhënien e masës disiplinore: “Zgjidhje e kontratës së punësimit” dhe “Vërejtje me paralajmërim për Zgjidhjen e kontratës së punës” për 4 persona, ndërkohë që për 12 të tjerë kjo masë konsiderohet e ezauruar, pse tashmë janë larguar nga puna.
Për shkelje, të meta e mangësi në zbatimin e procedurave ligjore në mbledhjen, përpunimin dhe administrimin e të dhënave për ndërtimet pa leje; në mënyrën dhe afatin e kualifikimit të dokumentacionit të dosjes së legalizimit të objektit informal; në shqyrtimin dhe miratimin e kërkesave për objektet informale dhe në përgatitjen dhe dërgimin e dokumentacionit për kalimin e pronësisë së parcelës ndërtimore të objekteve informale, shkelje këto të ish-Drejtorit dhe të ish-Përgjegjësit të Sektorit, janë evidentuar elementë të veprës penale të shpërdorimit të detyrës, parashikuar në Nenin 248 të Kodit Penal dhe për këtë KLSH ka depozituar dy kallëzime penale në organin e Prokurorisë të rrethit Vlorë.

/Shqiptarja.com
  • Sondazhi i ditës: 8 Janar, 13:30

    Deri në 700 kWh ulet me 1 lekë çmimi i energjisë për familjet, si ju duket?

Lajme të tjera



×

Lajmi i fundit

Refuzoi që Kanadaja të ishte shteti i 51 i SHBA-së, Musk për Trudeau: Vajzë, ti nuk je më guvernatorja e vendit

Refuzoi që Kanadaja të ishte shteti i 51 i SHBA-së, Musk për Trudeau: Vajzë, ti nuk je më guvernatorja e vendit

8 Janar, 14:22