POP 5

Lajmet më të lexuara të 5 minutave të fundit

Ekonomi

KLSH mbyll vitin me padi ndaj
kryebashkiakut të Pogradecit

Kontrolli i Lartë i Shtetit (KLSH), çon në Prokurori kryebashkiakun e Pogradeci (përfaqësues i  Partisë Socialiste), dy nënkryetarët dhe tre drejtues të tjerë të kësaj bashkie, për shkelje flagrante të ligjit të Urbanistikës, i cili i ka shkaktuar shtetit një dëm prej 46,411,128 lekësh.
KLSH mbyll vitin me padi ndaj <br />kryebashkiakut të Pogradecit
TIRANE - Kontrolli i Lartë i Shtetit (KLSH), çon në Prokurori kryebashkiakun e Pogradecit (përfaqësues i Partisë Socialiste), dy nënkryetarët dhe tre drejtues të tjerë të kësaj bashkie, për shkelje flagrante të ligjit të Urbanistikës.

Sipas KLSH, kryetari i Bashkisë, Artan Shkëmbi, dhe vartësit e tij i kanë shkaktuar shtetit një dëm prej 46,411,128 lekësh.

Në sajë të një kontroli të kryer në Bashkinë Pogradec, KLSH ka konstatuar leje të paligjshme dhe shkelje të barazisë së pjesëmarrësve në tendera dhe ankande publike.

Nëpërmjet një deklarate zyrtare për mediat, KLSH sqaron se në kundërshtim me ligjin e urbanistikës janë dhënë leje për pistë në liqen dhe leje në qendër të qytetit të Pogradecit, pa u miratuar.

“Kontrolli i zhvilluar në këtë bashki, evidentoi se në zonën e qendrës së qytetit janë dhënë një sërë lejesh sheshi dhe ndërtimi në mungesë të Planit të Përgjithshëm Rregullues dhe të Studimit Urbanistik Pjesor të qendrës së qytetit të miratuar në KRRTRSH, veprime këto të kryera në kundërshtim me Ligjin nr. 8405, datë 17.09.1998.

Eshtë konstatuar dhënie leje ndërtimi për piste të shfrytëzueshme në prone publike (liqen) në kundërshtim me Ligjin nr. 8652, datë 31.7.2000”, bëhet e ditur në njoftimin e KLSH.

Në përfundim të deklaratës KLSH shprehet se “për të gjitha veprimet e mësipërme i janë përcjellë Prokurorisë së Rrethit Pogradec të gjitha provat dhe dokumentet përkatëse”.

KLSH KALLEZOI EDHE ISH-KREUN E BASHKISE PERMET DHE DREJTORIN E UJESJELLES-KANALIZIMEVE MAT
Në tre ditë radhazi KLSH ka bërë publike shkelje në disa institucione kryesore në vend të konstatuara pas kontrolleve. Më 29 dhjetor KLSH deklaroi se Ministria e Brendshme ka kryer shkelje të ligjit për tenderat publik duke i shkaktuar shtetit dëm ekonomik në vlerën e 225.6 milionë lekë. Ndërsa vetëm një ditë më pas, më 30 dhjetor KLSH bëri kallëzim penal në Prokurori ndaj ish-kreut të Bashkisë Përmet nën akuzën e shpërdorimit të detyrës për shitje të trojeve brenda vijës kufizuese të qyteti në kundërshtim të hapur me ligjin. Po atë ditë KLSH bëri publik kallëzimin ndaj drejtorit të shoqërisë të Ujësjellës-Kanalizimeve Mat për shkelje të ligjit në lidhje me administrimin e investimit të kryer me kontribut të qeverisë norvegjeze për rehabilitimin dhe përmirësimin e sistemeve ekzistuese të ujit të pijshëm dhe ujërave të zeza.

*Foto, kryetari i Bashkisë Pogradec, Artan Shkëmbi

Redaksia Online
(Gre.M/Shqiptarja.com)

  • Sondazhi i ditës:
    25 Nëntor, 08:30

    Takimet jashtë, mendoni se diaspora do marrë pjesë masivisht në votime?

Lajme të tjera



×

Lajmi i fundit

NATO dhe Ukraina takohen lidhur me raketën e re ruse

NATO dhe Ukraina takohen lidhur me raketën e re ruse

26 Nëntor, 08:23