Auditimet e kryera nga Kontrolli i Lartë i Shtetit (KLSH) në periudhën janar-prill 2018 kanë konstatuar shkelje nga ana e institucioneve që kapin shumën 35.4 milionë euro. Aktiviteti ekonomik i përfshirë në këto kontrolle është ai i kryer gjatë viteve 2015-2017.
Dëmi ekonomik është i ndarë në dy zëra. Parregullsitë dhe shkeljet financiare në të ardhurat dhe në shpenzimet e kryera, në auditimet e kryera në katër muaj rezultojnë me dëm ekonomik në shumën totale prej afro 2.6 miliardë lekësh ose 20.2 milionë euro. Zëri i dytë ka të bëjë me shkeljen e disiplinës financiare me ndikim negativ në perfomancën e subjekteve të audituara, në shumën totale prej më se 1.9 miliardë lekësh, afërsisht 15.2 milionë euro.
Abuzimet më të mëdha të konstatuara si dëm ekonomik u takojnë Korporatës Elektroenergjetike Shqiptare KESH sh.a, në vlerën 1.594.920.000 lekë, ose 12.3 milionë euro, si pasojë e miratimit nga bordi i ERE-s për marrëveshjen me shoqërinë OST për shërbimet ndihmëse dhe balancimit të sistemit elektroenergjitik dhe si pasojë “privatizimi i magazinës Shkozet” i kryer nga Ministria e Financës dhe ZVRPP Durrës në kundërshtim me dispozitat ligjore në fuqi. Po kështu, dhe nga Autoriteti i Aviacionit Civil Shqiptar, në vlerën 211.358.000 lekë, si pasojë e detyrimeve (të ardhurat e realizuara por të papërdorura) që përbëjnë vlerën e fitimit, të cilat nuk janë derdhur në Buxhetin e Shtetit nga AAC, thuhet në raportin e KLSH.
Një shifër po kaq e madhe dëmi konstatohet dhe nga një hipotekë e vogël. Konkretisht, sipas KLSH, ZVRPP Malësi e Madhe ka shkaktuar dëm në vlerën 234.519.000 lekë si pasojë e mosvlerësimit të vlerës të shitjes dhe dhënies me qira të pasurive të regjistruara dhe kamatëvonesa për regjistrime të vonuara.
Vendorët
Disa nga bashkitë me më shumë shkelje janë: Bashkia Kamëz, në vlerën 487.395.000 lekë, apo 3.8 milionë euro, si pasojë e mosfillimit të procedurave të nevojshme ligjore për kthimin e vendimeve të gjobave në tituj ekzekutiv nëpërmjet Gjykatës dhe për pasojë mosarkëtimin në Buxhet të këtyre vlerave; Bashkia Rrogozhinë, në vlerën 103.695.000 lekë, si pasojë e mosfillimit të procedurave të nevojshme ligjore për kthimin e vendimeve të gjobave në tituj ekzekutiv nëpërmjet Gjykatës dhe për pasojë mosarkëtimin në Buxhet të këtyre vlerave; Bashkia Belsh, në vlerën 99.810.000 lekë, si pasojë e mosverifikimit të ligjshmërisë dhe procedurave të qiradhënies së tokave bujqësore (ankandet, vendimet e bordit, etj), në lidhje me kultivimet dhe mirëmbajtjen e këtyre tokave, etj.
Vendorët e Bashkisë Kamëz akuzohen edhe për nëj dëm në vlerën 327.217.000 lekë, si pasojë e pagesave nga fondi i investimeve, të cilat kanë një impakt negativ financiar në buxhetin e bashkisë.
Ndërkohë, tek Bashkia Belsh është konstatuar dëm në vlerën 286.080.000 lekë si pasojë e përdorimit jo me efektivitet të fondeve në 7 procedura prokurimi dhe tek Bashkia Rrogozhinë, në vlerën 217.167.000 lekë, nga të cilat: 195.4 milionë lekë, si pasojë e përdorimit jo me efektivitet të fondeve në 4 procedura prokurimi; 21.8 milionë lekë, si pasojë e pagesave të bëra jo në përputhje me aktet ligjore, nënligjore në fuqi për ekipin mbështetës të klubit të futbollit “Egnatia” dhe futbollistët e ekipit, etj.
Gjatë kësaj periudhe, nga ana e KLSH-së janë bërë 11 kallëzime penale, për drejtues kryesisht të rangut të mesëm dhe të lartë, konkretisht në këto institucione: Drejtoria e Përgjithshme e Rezervave Materiale të Shtetit (titullari i Institucionit);
Drejtoria Rajonale e ALUIZNI-t Kamëz - Vorë (ish-përgjegjës i sektorit të legalizimit, përgjegjës i sektorit të legalizimit, specialist i sektorit të hartografisë, ish-përgjegjës i sektorit të hartografisë, ish-përgjegjës i sektorit të hartografisë, ish-përgjegjës i sektorit të hartografisë, specialiste në zyrën e legalizimit);
ZVRPP Malësi e Madhe (ish-regjistrues, ish-regjistrues, ish- specialist); ZVRPP Elbasan (specialiste, specialist, ish-regjistrues, ish-regjistrues, ish-regjistrues, ish-regjistrues, ish-regjistrues, ish-regjistrues, ish-regjistrues, ish-regjistrues, specialist, specialist, ish-specialist); Enti Rregullator i Energjisë (ERE) (kryetar i Entit Rregullator të Energjisë);
Autoriteti i Aviacionit Civil Shqiptar (ish-zv.Drejtor i AAC); Bashkia Belsh (kryetar i Bashkisë, drejtor i Bujqësisë, ish – përgjegjës i Urbanistikës, ish-juriste) {Në cilësinë e anëtarëve të KVO-së}; Bashkia Belsh (kryetar i Bashkisë, mbikëqyrës i kontratës, kolaudatore, kolaudator); Bashkia Rrogozhinë (ish-kryetar i Bashkisë në cilësinë e kryetarit të Komisionit të Qiradhënies së Tokës Bujqësore të Pandarë).
Lajme të tjera
-
Komisioni i Ekonomisë/ ‘Po sulmohem nga mediat’, Braçe: Do e qep gojën, se po thonë që kam ‘kap’ KLSH! Shehu: Vlerësojmë bashkëpunimin me ju për auditimet
29 Tetor, 12:00 -
SPAK merr të pandehur deputetin e PS, Plarent Ndreca! Shkeli barazinë në tenderë si sekretar në Ministrinë e Brendshme! Nga 4 komisariate, u rikonstruktuan 2
25 Tetor, 11:54
-
Miratohet projektrezoluta, KLSH do të bëjë publik planin e auditimit, kohëzgjatjen dhe audituesit! Debate mes socialistëve për transparencën e institucionit
15 Tetor, 16:15
-
Mazhoranca ‘sherr’ për transparencën e KLSH-së, Braçe: 10 muaj një kontroll! Duhet afat për auditimet! Gjini: Cënohet pavarësia
8 Tetor, 20:28
-
Përmbytjet në Vlorë, tenderët dhe kontratat për rrugët e kanalizimet në 'sitën' e KLSH-së! Prokuroria ende asnjë hetim!
8 Tetor, 15:52 -
EKSKLUZIVE/ EMRAT e 53 ekspertëve që do të angazhohen në Komisionin antikorrupsion të drejtuar nga Fatmir Xhafaj! Mes tyre gruaja e Sokol Olldashit e ish këshilltari i Metës
10 Shtator, 10:47
-
Pakt PS-PD! Miratohet me 90 vota pro dhe 4 kundër nën/Komisioni që kontrollon KLSH-në, opozita merr drejtimin! Spaho: Doni ta zaptoni! Kuvendi seancë maratonë
25 Korrik, 11:13 -
KLSh kërkoi shkarkimin e Drejtoreshës së buxhetit! Shalsi e thërret në ballafaqim me Shehun në Komisionin e Ekonomisë
23 Korrik, 13:22 -
Tabaku debat me Shalsin tek ‘Ekonomia’ për KLSH: Mos sulmoni institucionet e pavarura
19 Korrik, 15:33 -
Kreu i KLSH në Kuvend: S’ka regjistër për pronat shtetërore! Braçe: Hetoni 1 vit tregun e hidrokarbureve për çmimet
17 Korrik, 19:34
-
KLSH raporton në Komisionin e Ekonomisë: Kadastra ka regjistruar objekte informale! Pronat shtetërore janë të paregjistruara, 19 mijë hektarë u dhanë me qira
17 Korrik, 13:46 -
'Dje është hedhur një shashkë', Shalsi pyet kreun e KLSH për akulloret e kontaminuara: Çfarë ju shtyu në vitin 2024 të sillnit në komision një çështje 3 viteve më parë?
17 Korrik, 10:46
