Koço Tashko, Popoviçi dhe e
vërteta e Konferencës së Pezës

TIRANE -  Me kapjen e dokumentave dhe trakteve që provonin se në Pezë u mbajt Konferenca e Partisë me nacionalistat, fashizmi i ra Pezës. Mblodhi 6000 milic shqiptarë e ushtarë italjanë që t’i bjerë Pezës. Përdori tankse, topa dhe 14 aeroplana bombardues dhe mitralues. Ritirata e çetës u bë rastësisht pa humbje të mëdha (1 shok dhe 2 katundarë të vrarë), humbjet e armikut në njerës ishin po aq. Terror i madh në katundet: djegie, plaçkitje, vrasje, çnderime. Myslimi sot ndodhet në male ilegal me një çetë të vogël.

Asnjë katundar nuk e pasoj, një pjesë e mirë e simpathizojnë, shumica janë me Shyqyrinë, nga i cili shpresojnë për një kompromis të ri. (Shyqyrinë po e mban prefekti i Tiranës në besë). S’mund të bëj profetira, por tashti më duket se kurë Myslimi në Pezë ka qenë më i vlefshëm se Myslimi në mal. Në Tiranë ka filluar përsëri një valë terrori, fashizmi beson se këtë radhë s’do të kenë ku të fshihen kuadrot komuniste jashtë Tiranës, as mbrënda në Tiranë se populli s’po i mban më komunistat. Këto dit në Tiranë humbnë 4 shokë nga më të mirët.