Kociançiç: Të fillojë dialogu sa më parë

Bashkimi Evropian është duke bërë çmos që dialogu mes Kosovës dhe Serbisë të fillojë sa më parë, ka thënë edhe zëdhënësja e përfaqësueses së lartë të BE-së, Catherine Ashton, Maja Kocijançiç. 

Ajo citohet nga mediat serbe se tashmë ka biseduar me kryeministrin e Kosovës, Hashim Thaçi dhe me atë serb, Ivica Daçiq. 

Megjithëkëtë, nuk ka saktësuar se kur do të caktohet rrethi i ri i dialogut. Kociajnçiq ka vënë në pah se Eshton ka theksuar se është me rëndësi që të dyja palët, edhe Prishtina edhe Beogradi, plotësisht t`i zbatojnë të gjitha marrëveshjet e arritura.