Zëdhënësja e Bashkimit Evropian, Maja Kocijançiç, ka reaguar pas dorëheqjes së katër kryetarëve të komunave serbe në veri të Kosovës, duke bërë thirrje edhe një herë që taksa e vendosur për mallrat serbe të largohet menjëherë.
Kocijançiç theksoi se Bashkimi Evropian ka qenë shumë e qartë për taksën ndaj produkteve serbe, duke e konsideruar gjithnjë si një vendim që përbën shkelje të CEFTA-s dhe marrëveshjes së Stabilizimit të Asociimit ndërmjet BE-së dhe Kosovës.
"Autoritetet e Kosovës duhet të tërheqin këto masa. Të ndalohen deklarimet provokuese të cilat nuk kontribuojnë në dialogun për normalizimin e raporteve”, tha Kocijançiç,transmeton gazeta kosovare "Express".
Ajo shtoi se palët duhet t'i zgjidhin ankesat e tyre jo nëpërmjet masave të këtij lloji, por përmes një dialogu ndërmjetësues.
Kryetari i veriut të Mitrovicës, Goran Rakiq, ai i Leposaviqit, Zoran Todiq, kryetari i Zubin Potokut, Stevan Vuloviq si dhe kryetari i Zveçanit, Vucina Jankoviq dhanë sot dorëheqjen nga postet e tyre përkatëse nën argumentin se serbëve të komunave veriore kosovare po iu kërcënohet gjithnjë e më shumë jetesa nga politika dhe dhuna e vazhdueshme që po ushtron shteti kosovar.
Komente
Lajme të tjera
-
'Serbia të heq pengesat ose vendosim reciprocitetin'! Mustafa: Asnjë taksë nuk duhet të prishë miqësinë tonë me SHBA
27 Shkurt 2020, 23:12 -
Kurti hoqi taksën, opozita e Kosovës shpërthen në akuza: Mashtrues që po rrezikon vendin, dole i dobët
27 Shkurt 2020, 23:00 -
Paqartësitë e orës zero për taksën 100 përqind
7 Shkurt 2020, 20:54
-
'S'do hakmerremi me Serbinë, do vendosim reciprocitetin', Kurti: Mund të arrihet një marrëveshje brenda vitit
6 Shkurt 2020, 19:53
