POP 5

Lajmet më të lexuara të 5 minutave të fundit

Kronikë

Kodheli: Automatikë M4 e jo më 
kallashnikov, imazh guerrilasi

Ministrja e Mbrojtjes, Mimi Kodheli deklaroi dje në Kuvend se rishikimi i buxhetit do i shërbejë pajisjes me armatime të standardeve evropiane të batalionit të këmbësorisë. 
Kodheli: Automatikë M4 e jo më <br />kallashnikov, imazh guerrilasi
Ministrja e Mbrojtjes, Mimi Kodheli deklaroi dje në Kuvend se rishikimi i buxhetit do i shërbejë pajisjes me armatime të standardeve evropiane të batalionit të këmbësorisë. “Ministria e Mbrojtjes sapo merr rreth 700 milion lekë, që do t’i shërbejnë nevojave më të domosdoshme për modernizimin e FA.

Kam paraqitur projektin e pajisjes së Batalionit të Dytë të Këmbësorisë (b2k) me pajisje sipas standardeve më elitare të NATO-s. Kjo njësi ushtarake, ishte deklaruar vit pas viti si objektivi primar i Shqipërisë për t’ia ofruar strukturave ushtarake të NATO, si batalion i dislokueshëm në çdo skenar të mundshëm luftimi. Por premtimi nuk ishte mbajtur asnjëherë”, tha Kodheli. I cila tha se “për fat të keq Batalioni i Dytë i Këmbësorisë, ishte shndërruar në një shembull tipik të zvarritjes alla-shqiptarçe të gjërave.

Në Ministrinë e Mbrojtjes gjendeshin fonde, bëheshin praktika e siguroheshin të ardhura për gjithçka, përveç biznesit bazë: bërjes së një ushtrie profesioniste sipas standardeve të NATO-s. Askush nga qeveria e kaluar s’kishte ndonjë dëshirë për të dhënë para për një projekt me të cilin Shqipëria si vend anëtar i NATO duhet të krenohej, ndaj vendosëm të bëjmë të pamundurën që këtë njësi elitare të FA ta plotësonim me pajisje”, tha Ministrja.

Referuar situatës më të fundit dhe ndikimit të krizës ekonomike në shumicën e vendeve anëtare, shoqëruar dhe me reduktim të fondeve për FA, do plotësohet me armatimin modern sipas standardeve Batalioni i Dytë i Këmbësorisë. “Automatikë M4, pistoleta, mitralozë të lehtë, pushkë speciale, mortaja si dhe gjithë municioni i nevojshëm për plotësimin e kompletimin e batalionit. Më në fund do të kemi një njësi që nuk do përdorë kallashnikovin sovjetik, imazhin e çdo guerrilasi në botë. E gjithë kjo praktikë do të mundësohet nëpërmjet Agjencisë NATO të Prokurimeve NSPA dhe kjo është hera e parë që ndodh”, tha Kodheli.

Shkrimi u publikua sot(26.09.2014) në gazetën Shqiptarja.com(print)
 

  • Sondazhi i ditës:

    Mendoni se arrihet objektivi i qeverisë për pagë mesatare 900 euro?

Lajme të tjera



×

Lajmi i fundit

Elvisi i rrëfen historinë e dhimbshme Oltës: Kam humbur babanë në det e la zemra, në gusht bën 8 vjet

Elvisi i rrëfen historinë e dhimbshme Oltës: Kam humbur babanë në det e la zemra, në gusht bën 8 vjet

31 Mars, 14:11