Kodi/ OSBE: Të refuzohen listat që s’plotësojnë kuotën gjinore, në të ardhmen një grua kryeministre

Kryetari i Prezencës së OSBE-së në Shqipëri, ambasadori Bernd Borchardt, rekomandoi sot që në Kodin Zgjedhor të kthehet dispozita që lejon refuzimin e listave të kandidatëve të partive që nuk plotësojnë kuotën gjinore. Duke folur në një konferencë për gratë në politikë, organizuar nga UN Women, Borchardt tha:

Kodi Zgjedhor i mëparshëm përmbante një dispozitë, që lejonte refuzimin e listave të kandidatëve të partive që nuk plotësonin kuotën gjinore ligjore. Kjo dispozitë është hequr në Kodin e tanishëm. Ne rekomandojmë fuqimisht rivendosjen e dispozitës që lejon refuzimin e listave të kandidatëve të partive që nuk plotësojnë kuotën gjinore. Thjesht vendosja e një gjobe për partitë politike, listat zgjedhore të të cilave nuk plotësojnë kuotën gjinore, nuk e çon përpara kauzën e grave në politikë po aq mirë sa refuzimi i listave. Partitë politike duhet të bëjnë më shumë për të siguruar kushtet për pjesëmarrje të hapur dhe të drejtë të grave në procesin e përzgjedhjes së kandidatëve brenda partive.

Bernd Borchardt

Borchardt shtoi se prirja pozitive e viteve të fundit lidhur me pjesëmarrjen e grave në politikë duhet të ruhet e të çohet më tej.

LEXO EDHE:
Zgjedhorja/ ‘Të vegjlit’ kërkojnë korrektim kombëtar dhe prag të vogël! Duka-Mediu-Dule: Lista të hapura dhe teknologji në të gjithë vendin

Ndoshta dikur në të ardhmen mund të shohim një grua kryeministre në Shqipëri, duke ndjekur kështu prirjet evropiane dhe rajonale. Deri atëherë, ne punojmë në mënyrë të përkushtuar që të shohim më shumë gra këshilltare vendore, deputete dhe në poste të larta shtetërore.

Bernd Borchardt

Prej disa muajsh vijon diskutimi për Reformën Zgjedhore në Shqipëri, por palët janë shumë larg konsensusit, dy çështjet që i ndajnë janë votimi elektronik dhe ai i emigrantëve.

TAG:
• Bernd Borchardt
• OSBE
• kodi zgjedhor

Sondazhi i ditës:

A mund të zhvillojë Shqipëria turizmin elitar?

• PO

  59.7%

• JO

  32.6%

• NUK E DI

  7.7%

Vota total: 506

• Sondazhi i ditës:

  A mund të zhvillojë Shqipëria turizmin elitar?

  PO JO NUK E DI