POP 5

Lajmet më të lexuara të 5 minutave të fundit

Ekonomi

Kodi Rrugor, shpejtësia në
vartësi të përvojës dhe moshës

Shpejtësia e qarkullimit për mjete të caktuara në pjesë të ndryshme të infrastrukturës rrugore parashikohet të ndryshojë në varësi të përvojës në timon dhe moshës.
Kodi Rrugor, shpejtësia në<br />vartësi të përvojës dhe moshës
TIRANE- Shpejtësia e qarkullimit për mjete të caktuara në pjesë të ndryshme të infrastrukturës rrugore parashikohet të ndryshojë në varësi të përvojës në timon dhe moshës.

Bëhet fjalë për ndryshime në Kodin Rrugor të Republikës së Shqipërisë, për të cilat Ministria e Transportit dhe Infrastrukturës është duke punuar në formën e një drafti paraprak projektligji. Përpilimi final i këtij projektligji do të kryhet pasi të jenë bërë konsultime përkatëse edhe me dikastere të tjera.

Në vija të përgjithshme, para mbushjes së moshës 21, dhe njëkohësisht për 3 vitet e para të marrjes së lejedrejtimit për mjetet e kategorisë A (motomjet me fuqi më shumë se 15 kW) dhe A2 (motomjet me fuqi jo më shumë se 35 kW), nuk do të lejohet drejtimi i motoçikletave me fuqi më të madhe se 25 kW. Gjithashtu, për drejtuesit e mjeteve të kategorisë B (mjete motorike me kapacitet maksimal deri në 8+1), do t’u duhet të qarkullojnë me një shpejtësi më të ulët se norma e lejuar, për 3 vitet e para që janë pajisur me lejedrejtimin për këtë kategori. Përcaktimi i shpejtësisë së drejtimin të mjetit parashtrohet Neni 117/1 “Kufizime për drejtuesit e motomjeteve” i Kodit Rrugor.

Motoçikletat
Neni 117/1 parashikohet të ndryshohet në varësi të moshës dhe përvojës së personit të pajisur me lejedrejtimin përkatës, sipas Nenin 25, të draftit të projektligjit, i cili përmban 5 pika. Duke iu referuar pikës së parë të Nenit 25, pёr 3 vitet e para, duke filluar nga data e marrjes sё lejes sё drejtimit të kategorisë A (A2, A) e njëkohësisht para mbushjes se moshës 21 vjet, nuk lejohet drejtimi i motoçikletave (me ose pa kosh) me fuqi mё tё madhe se 25 kW dhe/ose me raportin fuqi peshë mё tё madhe se 0.16 kW/kg, referuar masës pa ngarkesë.

Automjetet
Sipas pikës 2, të Nenit 25, të draftit të projektligjit, pёr 3 vitet e para, duke filluar nga data e marrjes sё lejes sё drejtimit tё kategorisё B, nuk lejohet tejkalimi i shpejtësisë mbi 100 km/h, nё autostrada mbi 80 km/h, nё rrugёt interurbane kryesore. Pra ulet me 10 km/h respektivisht
 
Sanksionet
Moszbatimi i normave të lartpërmendura do të rezultonte në një gjobë prej 1 mijë lekë deri në 3 mijë lekë, si dhe me pezullimin e lejedrejtimit nga 2 deri në 8 muaj. Kjo sipas pikës 5, të nenit 25, të draftit të projektligjit.
 
Qarkullimi
Aktualisht shpejtësia maksimale nuk mund të kalojë 110 km/orë për autostradat, 90 km/orë për rrugët interurbane kryesore, 80 km/orë për rrugët interurbane dytësore e rrugët lokale interurbane dhe 40 km/orë për rrugët në qendrat e banuara. Kjo sipas pikës 1 të nenit 140 të këtij Kodi Rrugor.

Shkrimi u publikua sot (23.03.2014) në gazetën Shqiptarja.com (print)

Redaksia Online
(d.d/shqiptarja.com)

  • Sondazhi i ditës:
    28 Nëntor, 09:20

    A e keni të qartë pse opozita organizon mosbindje civile?

Lajme të tjera



×

Lajmi i fundit

Skandali me flamurin shqiptar, reagon ministria e Brendshme maqedonase: Procedim disiplinor për policin, ka detyrim të respektojë simbol e çdo bashkësie etnike

Skandali me flamurin shqiptar, reagon ministria e Brendshme maqedonase: Procedim disiplinor për policin, ka detyrim të respektojë simbol e çdo bashkësie etnike

29 Nëntor, 22:32