Koha e zemërimit me SHBA/ Erdogan fton Putin për darkë: Të pres në një restorant peshku mik i dashur!

Rusi- Presidenti i Rusisë, Vladimir Putin dhe ai i Turqisë, Recep Tayyip Erdogan do të takohen së shpejti për të diskutuar marrëveshjen e sistemeve anti-ajrore S-400. Sipas mediave ruse, ata do të takohen në një restorant të njohur peshku në Stamboll.

Takimi mes tyre vjen në një kohë që Turqia i ka acaruar tej mase marrëdhëniet me SHBA-të. Mediat ruse raportojnë gjithashtu se ftesa është dërguar nga Erdogan, përmes ministit të tij të Jashtëm, Mevlut Çavusoglu.

Në ftesë shkruhej: “Miku juaj më i dashur, Z. Erdogan me ka kërkuar që t’ju përcjell përshëndetjet e tij më të ngrohta me shpresën se do të vizitoni Stambollin në të ardhmen e afërt për një darkë në një restorant peshku”.

LEXO EDHE:
Presidenti turk Erdogan do të vizitojë Irakun javën e ardhshme

Por historia e ‘restorantit të peshkut’, siç shkruan RT, ka një të shkuar jo të panjohur, fiks në samitin e BRICS në korrik. Në atë kohë Putin i kujtoi homologut të tij turk që dikur e kishte ftuar atë në një restorant peshku. Erdogan u shpejtua të përgjigjej se ftesa qëndronte ende, ndërsa presidenti rus ia ktheu se kishte ardhur koha të diskutonin për eksportin e mishit në Turqi.

Mësohet gjithashtu se qeveria e Erdoganit është e vendosur të përparojë me blerjen e avionëve amerikanë F-35, që ligjbërësit e SHBA po përpiqen të bllokojnë, për shkak të marrëveshjes S-400 të Ankarasë. Më parë këtë javë, eksportuesi i armëve ruse Rosoboronexport zbuloi se Turqia do të marrë serinë e parë të sistemeve të mbrojtjes ajrore S-400 vitin e ardhshëm.

TAG:
• vladimir putin
• Rexhep Taip Erdogan
• ftesa
• restorant peshku

Sondazhi i ditës:

A ka politika frikë nga SPAK-u?

• Po

  69.4%

• Jo

  26.6%

• Nuk e di

  3.9%

Vota total: 458

• Sondazhi i ditës:

  A ka politika frikë nga SPAK-u?

  Po Jo Nuk e di