POP 5

Lajmet më të lexuara të 5 minutave të fundit

Kronikë

Koka përuron parkun 'Mali i Dajtit'
në Ditën Europiane të Parqeve

Në Ditën Europiane të Parqeve, Ministri i Mjedisit, Lefter Koka, inauguroi sot disa investime në Parkun Kombëtar “Mali i Dajtit”. Ai e cilësoi këtë park si një zonë ekonomike të rëndësishme për Tiranën, ndërsa shtoi se sipërfaqja e zonave të mbrojtura në territorin shqiptar ka mbërritur në 17%.  VIDEO
Koka përuron parkun 'Mali i Dajtit'<br />në Ditën Europiane të Parqeve
Në Ditën Europiane të Parqeve, Ministri i Mjedisit, Lefter Koka, inauguroi sot disa investime në Parkun Kombëtar “Mali i Dajtit”. Ministri Koka tha se ky park është zonë ekonomike e rëndësishme për Tiranën.
 
“Në këtë Ditë Europiane të Parqeve edhe Shqipëria i konsideron parqet si një aset të çmuar jo vetëm të natyrës e të mjedisit , por edhe të ekonomisë së vendit. Shqipëria ka rreth 15 parqe kombëtare të shpallura në më shumë se 50 vite si Parku Kombëtar i Dajtit që është shpallur i tillë në vitin 1966. Parqet janë mushkëritë jo vetëm të qyteteve të mëdha urbane, por edhe të vetë zonave ku ndodhen siç është Parku Kombëtar i Dajtit, të cilin do ta konsideroja edhe si një zonë ekonomike shumë të rëndësishme për qytetin e Tiranës“, tha Koka.
 
Ministri Koka u shpreh se në thuajse katër vite është treguar një vëmendje në rritje për ruajtjen dhe shtimin e zonave të mbrojtura.
 
“Tashmë kemi mbërritur nivelin e 17% të sipërfaqeve të zonave të mbrojtura në territorin shqiptar të klasifikuara në nivele të ndryshme “, tha ministri Koka duke shtuar se “krijimi i Agjencisë Kombëtare të Zonave të Mbrojtura, dhe autonomia financiare që ky institucion do të marrë nga ligji i ri i zonave të mbrojtura të miratuar  më 4 maj 2017 në parlamentin shqiptar, është një zhvillim i rëndësishëm.”
 
Dita Europiane e Parqeve shërben për të promovuar zonat e mbrojtura dhe për të theksuar rëndësinë e mbrojtjes, menaxhimit por edhe frekuentimit të tyre.

Redaksia Online
Al.N/Shqiptarja.com 

  • Sondazhi i ditës:
    25 Nëntor, 08:30

    Takimet jashtë, mendoni se diaspora do marrë pjesë masivisht në votime?

Lajme të tjera



×

Lajmi i fundit

Gudia kulturore/ Polifonia shqiptare takohet me ritmet elektronike tek 'Art Turbina', 'Zëri i dhunës virtuale' tek Galeria e Arteve

Gudia kulturore/ Polifonia shqiptare takohet me ritmet elektronike tek 'Art Turbina', 'Zëri i dhunës virtuale' tek Galeria e Arteve

25 Nëntor, 10:23 nga Blerina Goce