Ministri i Mjedisit, Lefter Koka priti dje 6 të punësuarit më të rinj në administratën e Ministrisë së Mjedisit dhe institucioneve të varësisë. Ata janë më të mirët e përzgjedhur nga 37 profesionistë të rinj të moshës nga 21 deri në 26 vjeç që kryen praktikën e punës në administratën e Ministrisë së Mjedisit dhe institucioneve të saj të varësisë, në kuadër të “Programit Kombëtar të Praktikave të Punës në Administratën Shtetërore” dhe institucionet e tjera publike. Në fjalën e tij, Koka tha brezi i profesionistëve të rinj do të sjellë impakt pozitiv në administratën publike.