Komiteti Olimpik Kombëtar Shqiptar (KOKSH), përmes një konference shtypi të organizuar sot pasdite në mjediset e këtij institucioni, ka dënuar dhunën e ndodhur dje gjatë uzurpimit që sportistët e trajnerët e sportit të peshëngritjes bënë në zyrat e olimpizmit shqiptar.
Konflikti që ka nisur mes KOKSH dhe sportistëve, pas pezullimit 2-vjeçar që olimpizmi shqiptar i ka bërë këtij sporti nga evenimentet olimpike, ka sjellë irritimin e shtangistëve, që kërkojnë anullimin e vendimit.
KOKSH dënon dhunën e spotistëve dhe trajnerëve të tyre, që dje (e mërkurë) uzurpuan zyrat tona. Për ne kjo është një sjellje antisportive, e pa denjë dhe e papranueshme, në thyerje të kodit të etikës. Ne do të njoftojmë organizmat ndërkombëtarë: Komitetin Olimpik Ndërkombëtar dhe atë Europian, Federatën Botërore dhe atë Europiane të Peshëngritjes si dhe komitetin organizator të Lojërave Mesdhetare “Tarragona 2018”.
Acarimi i sportistëve vjen si pasojë e mosregjistrimit të tyre në Lojërat Mesdhetare, pasi Federata Shqiptare e Peshëngritjes nuk ka respektuar afatet e regjistrimit. Më datën 26 mars, komiteti ekzekutiv i KOKSH mori vendimin për të pezulluar 2 vjet FSHP-në nga të gjitha aktivitete olimpike.
Ky vendim shpreh qëndrimin e KOKSH ndaj keq-qeverisjes së Federatës së Peshëngritjes, si nga mosrespektimi i afateve për pjesëmarrje në aktivitetet olimpike dhe, sidomos, i mungesës së tolerancës zero ndaj dopingut në këtë sport.
Stavri Bello, sekretari i KOKSH
Komente
Lajme të tjera
-
Kushi mikpret ekipin përfaqësues në Kampionatin Europian të Peshëngritjes: Njëri më kampion se tjetri, ambasadorët tanë më të mirë në botë
19 Prill 2021, 10:27 -
Rikthimi/ Elez Gjoza zgjidhet president i Federatës Shqiptare të Peshëngritjes: Do të kërkojmë ndjekje penale për sportistët që përdorin doping
26 Dhjetor 2020, 12:50
-
Zhvillohet nën tension Asambleja e Jashtëzakonshme e KOKSH-it, Bello jep dorëheqjen
9 Shkurt 2020, 14:14
Stavri sahanlepirsi, fuksi i Shalsit te madh. Sa vet ka mor nqaf?
Përgjigju