POP 5

Lajmet më të lexuara të 5 minutave të fundit

Sport

KOKSH në zgjedhje, Bezhani favorit

Viron Bezhani, Genc Boga dhe Martin Biba do të garojnë sot për kreun e presidentit të KOKSH-it. Bezhani shihet si favorit për të fituar votat e shumicës.
Sot do të zhvillohet gara për presidentin e KOKSH (Komiteti Olimpik Kombetar Shqiptar). Viron Bezhani, Genc Boga dhe Martin Biba janë tre kandidaturat që do të kërkojnë mandatin e presidentit të KOKSH më 20 shtator. Aktualisht Bezhani mban postin e kryetarit të Komisionit Teknik, kurse Boga të Komisionit Juridik në KOKSH. Martin Biba, i vetëshpallur më herët për këtë funksion. Komiteti Ekzekutiv në mbledhjen e fundit që ka zhvilluar ka marrë në shqyrtim procedurat dhe marrjen e masave per organizimin e Asamblese se 17-te te Pergjitheshme Zgjedhore te Komitetit Olimpik Kombetar Shqiptar.

Tre personat që do të garojnë për kreun e Komitetit Olimpik Kombetar Shqiptar janë shumë të njohur për opinionin sportiv vendas, pasi kanë qenë dhe janë protagonistë në sportin shqiptar. KOKSH vitet e fundit është përfshirë nga zhvillime tepër intensive pasi Agim Fagu i zgjedhur hoqi dorë në mes të mandatit të tij për shkaqe të problematikës së shfaqur në këtë institucion, ndërkohë që Ela Tase si zv/presidente ushtroi detyrën e kreun të këtij institucioni duke normalizuar disi situatën dhe duke i dhënë frymëmarrje KOKSH deri në këto momente. Zgjedhjet për kreun e KOKSH duhet që të ishin bërë më parë.

Megjithatë në Shqipëri sipas prioriteteve dhe rëndësisë ecën edhe sporti, një fakt i tillë është reflektuar më së miri nga bëmat brenda dhe jashtë vendit duke nxjerë situatën në shumë raste jashtë kontrollit nga përdorimi i dopingut, mungesa e kushteve për pjesëmarrje në eventet ndërkombëtare dhe deri të lufta e fortë brenda institucionit. Megjithatë zgjedhja e drejtuesve të rinj pritet të sjellë një fresk edhe të politikave të këtij institucioni për menaxhimin e sportit olimpik. Mes tre kandidatëve, Bezhani shihet si favorit për të fituar votat e shumicës, pasi ka një eksperiencë të gjatë në strukturën drejtuese të institucionit dhe në Federatën Shqiptare të Mundjes. Ndërkohë që po sot do të zhvillohen edhe zgjedhjet për zëvendës president, mbajtësin e thesarit dhe anëtarët e komitetit ekzekutiv.

/Shqiptarja.com
  • Sondazhi i ditës: 13 Janar, 10:25

    Nisi regjistrimi, a do të marrë pjesë masivisht në zgjedhje diaspora?

Lajme të tjera



×

Lajmi i fundit

Marrëdhëniet Greqi -Shqipëri, avokati Islami: Kanë bërë masakra në vendin tonë, Beleri në PE ishte goditje! Sekretari i OMONIA-s: Jemi urë komunikimi mes vendeve

Marrëdhëniet Greqi -Shqipëri, avokati Islami: Kanë bërë masakra në vendin tonë, Beleri në PE ishte goditje! Sekretari i OMONIA-s: Jemi urë komunikimi mes vendeve

15 Janar, 19:31