POP 5

Lajmet më të lexuara të 5 minutave të fundit

Politikë

Kolegët e PS: Mark Marku
tregoi realitetin në PD

Intervista e deputetit demokrat Mark Marku ka futur në siklet kolegët demokratë. Në mungesë për të marrë një prononcim, ata kanë heshtur duke mos e komentuar as pozitivisht as negativisht deklaratat e tij. Deputeti Tritan Shehu, Piro Lutaj dhe Asllan Dogjani kanë sjellë reagime mbi deklaratat 'bombë' të Markut.
Pas deklaratave të drejtpërdrejta të deputetit demokrat Mark Marku për reformimin e Partisë Demokratike ka pasur reagime nga Partia Socialiste dhe ajo Demokratike. Shuplaka që i dha Marku rotacionit në ministri dhe dështimin e Partisë Demokratike në përgatitjen edhe për zgjedhjet e përgjithshme, ka sjellë shqetësim tek demokratët sa kanë mundur të refuzojnë të flasin mbi intervistën. I vetmi që ka mundur të kthejë një përgjigje, referuar intervistës së Markut, ka qenë deputeti demokrat Tritan Shehu. Sipas tij Partia Demokratike është një promotore e ndryshimit, duke hedhur poshtë akuzat e deputetit Mark Marku. "Partia Demokratike ka qenë gjithmonë një forcë e rëndësishme. Ajo është forca kryesore e qendrës së djathtë dhe që ka treguar progres gjatë qeverisjes së saj. Partia Demokratike ka qenë dhe është një promotore e ndryshimeve të mëdha në vend", është shprehur deputeti demokrat, Tritan Shehu. Por ai ka nënvizuar se çdo deputet i djathtë është i lirë të flasë për pakënaqësitë e veta, ndaj sipas tij kjo tregon që ëhstë një parti e hapur.

Deputetët socialistë
Edhe pse deputeti demokrat i ka dhënë shuplakë Partisë Demokratike, deklaratat e tij i kanë komentuar edhe deputetët e Partisë Socialiste. Piro Lutaj dhe Asllan Dogjani e kanë vlerësuar si të drejtë këtë dalje publike. Deputeti Lutaj pohoi se zoti Marku ka treguar gjendjen reale në Partinë Demokratike. "Gjatë gjithë intervistës deputeti Mark Marku ka paraqitur situatën e rëndë që ekziston brenda Partisë Demokratike. "Më ka befasuar qëndrimi që ka pasur Marku ditën e djeshme, por duhet të vlerësohet për këtë gjë", është shprehur deputeti Piro Lutaj i Partisë Socialiste. Ndërsa deputeti tjetër i PS-së, Asllan Dogjani e ka quajtur si shembull të mirë reagimin e deputetit Mark Marku. Deputeti i Partisë Demokratike, Mark Marku, deklaroi se PD ka dështuar si forcë politike dhe në këtë gjendje në të cilën ndodhet rrezikon që të humbasë edhe zgjedhjet. Ndërsa në lidhje me ndryshimet në qeveri dhe marrëdhëniet me aleatin kryesor, LSI-në e Ilir Metës, Marku theksoi se aktualisht ajo që shikon është një "PD e shantazhuar".

/Shqiptarja.com
  • Sondazhi i ditës: 25 Janar, 13:37

    A duhet të votojnë emigrantët që kanë vetëm dokumente identifikimi të huaja?

Lajme të tjera



×

Lajmi i fundit

Homazhet për Kryepiskopin Anastas, në Tiranë pritet delegacion i lartë nga Vatikani, Kishat botërore dhe politikanë të lartë

Homazhet për Kryepiskopin Anastas, në Tiranë pritet delegacion i lartë nga Vatikani, Kishat botërore dhe politikanë të lartë

26 Janar, 22:57