Në kuadër të Samitit Rajonal në Tiranë u nënshkrua këtë të enjte marrëveshja mes Kolegjit të Evropës, Ministrisë së Arsimit dhe Universitetit të Tiranës për shtëpinë e re të Kolegjit që do të hapë dyert në shtator në Tiranë. Godina ‘Iliria’ në Qytet Studenti do të jetë selia e parë ndërsa Kryeministri Rama i propozoi rektores Federica Mogherini shtetësinë shqiptare.
Kolegji i Evropës, dega e Tiranës, do të hapë dyert për vitin e parë akademik në shtator, ndërsa shifrat e aplikimeve i kanë kaluar të gjitha pritshmëritë.
“Viti akademik do të nisë në shtator me 31 studentë, me një Program të nivelit master për transformimin dhe integrimin europian me fokus të veçantë në Bashkimin Europian dhe Ballkanin perëndimor. Çelëm procesin e pranimit në tetor dhe sot mund të raportoj se kemi marrë 241 aplikime, për 31 vende, nga 41 kombësi, nga i gjithë rajoni, nga vendet e BE-së dhe 15 të tjera.” – u shpreh Mogherini.
Rektorja e Kolegjit Evropian, Federica Mogherini, këtë herë si përfaqësuese e degës së Tiranës për Kolegjin firmosi marrëveshjen me Rektorin Universitetit të Tiranës, dhe ministren e Arsimit Manastirliu, që shtëpia e re e Kolegjit në Tiranë të jenë ambientet e siguruara nga Universiteti i Tiranës, në një ndërtesë të quajtur ‘Liria’, një simbolikë e veçantë kjo.
“Është një ndërtesë historike, ku studentët shqiptarë bënë historinë dhe nisën rrugëtimin drejt lirisë dhe demokracisë”- tha Manastirliu.
I impresionuar për shifrat e aplikimit në Tiranë u shpreh edhe Komisioneri Varheley.
“Jam i impresionuar nga shifrat. Tirana do të bëhet edhe më popullore se Bryzhi dhe moti është shumë herë më i mirë. Ajo që do të ndërtohet edhe nga ana arkitekturore do të jetë diçka që do të ndryshojë edhe ekonominë në Ballkan. BE ka mbërritur në Tiranë. Faleminderit”- u shpreh Varheley.
Rektorja Mogherini foli për një histori sukses ndërsa u shpreh edhe më optimiste për të ardhmen.
“Brenda 5 muajve do të kemi një histori të konsoliduar suksesi. Ky është vetëm fillimi, po presim të gjithë të bashkëpunojmë ngushtë, sidomos...”- tha rektorja.
Kryeministri Rama mirënjohjen ia shprehu kështu Mogherinit.
“Nuk e fsheh dot kënaqësinë që të kemi Federikën që i afrohet asaj pike ku ne ofrojmë shtetësinë shqiptare. Do të jetë nder që ne ta quajmë shqiptare”
Kolegji i Evropës në Tiranë, i cili u përurua më 16 tetor, do të nisë me një program akademik për çështjet evropianë për studentët dhe profesionistët nga Shqipëria, rajoni i Ballkanit Perëndimor, Bashkimi Evropian, dhe më gjerë.
Ditën e sotme u nënshkrua Marrëveshja mes Kolegjit të Evropës, Ministrisë së Arsimit dhe Universitetit të Tiranës për shtëpinë e re të Kolegjit të Evropës që do të hapë dyert në Tiranë.
Kryeministri Rama thotë se do të ketë një ndërtesë ikonë, por edhe kushte si të BE-së.
“Kjo tregon se të vish në Shqipëri nga BE, mund të jetë shumë më entuziazmuese se sa të shkosh nga BE në BE. Së fundi në radhë dua të falënderoj delegacionin e BE këtu dhe komisionerin e BE i cili ka punuar gjatë gjithë kohës në 360 gradë me ne për tu siguruar që në të gjitha frontet të bëhen gjëra sa më të prekshme sa më të realizueshme në rajon. Ardhja e Kolegjit të europës na bën shumë të lumtur dhe krenar. Po bëjmë përpjekje për të pasur një ndërtesë ikonë dhe për ta pasur një destinacion të mirëfilltë evropian arsimi jo vetëm sa i takon programeve dhe aspektit hapësinor dhe cilësisë së jetës për studentët nga auditorët deri të fjetoret. Edhe pse në Tiranë të rinjtë flenë gjithnjë e më pas sepse jeta e argëtimit është gjithnjë e më tërheqëse sidomos pas mesnatës”, tha Rama.
Rama tha se do ishte një nder që t’i jepnin nënshtetësinë shqiptare, rektores së Kolegjit të Evropës, Federica Mogherini.
“Dua të ndaj me të gjithë mirënjohjen time më të thellë për Federicën e cila po ndjek projektin hap pas hapi dhe nga ana tjetër nuk e fsheh dot kënaqësinë që të kemi që Federicën që i afrohet asaj pike ku ne ofrojmë nënshtetësinë shqiptare, do jetë më shumë se sa një nder që ta konsiderojmë atë si një qytetare shqiptare”, tha Rama.
Komente
Lajme të tjera
-
Erion Veliaj 5 orë në SPAK, Berisha: Luftë brenda llojit, jo meritë e Altin Dumanit
27 Dhjetor, 14:52 -
Meta nuk ndal sulmet për Altin Dumanin as nga burgu: Mercenar i Ramës! Nuk burgosen dot kauzat e PL
27 Dhjetor, 14:45 -
Hasani: Negociatat me Greqinë duhet t'i trajtojmë me kujdes, duhet punë tavoline, jo mikrofoni! Ka nisur puna për organizimin e samitit të NATO-s në 2027
27 Dhjetor, 10:19 -
‘Giro d’Italia 2025’ nis nga Shqipëria, jehonë në mediat e huaja
26 Dhjetor, 08:14 -
Ylli Pata: Legjendat elektoralo-amerikane të Sali Berishës
25 Dhjetor, 20:00
-
Berisha me gratë demokrate të LDG: Kjo është qeveria e Luciferit, 13 km rrugë për të vjedhur 14 herë! Ministret e Ramës pa forcë morale
25 Dhjetor, 19:13 -
Ben Andoni: PD-ja përballë protestave, por pa publikun?!
25 Dhjetor, 18:53
-
'Erdhi në jetë bebushi i parë', Rama: Krishtlindja këtë vit nisi me një mrekulli të vogël
25 Dhjetor, 12:33 -
'Gëzuar Krishtlindjet', kartolina e krerëve të shtetit, politikës e ndërkombëtarëve për të krishterët! Begaj: Të reflektojmë mbi vlerat më të larta të njerëzimit
25 Dhjetor, 08:09 -
Akuzat e opozitës për mbylljen e TikTok! Rama fiton garën me fansat, 2 milionë pëlqime! Berishën e mund edhe Arlind Qori
24 Dhjetor, 19:58
-
'Thuhet lart e poshtë ‘ai fiton, se opozita është e dobët!’ Rama 'thumbon' kritikët: Ka një arsye kryesore për fitoret e mia...!
24 Dhjetor, 19:53 -
Rama me ambasadorët: Do doja që karrigia e Federatës Ruse të mos ishte bosh, viti tjetër sjelltë paqe në Ukrainë dhe Lindjen e Mesme!
24 Dhjetor, 19:15
Pregatisni Sorosianet e ri te vendit , per te vazhduar trrashgimia e plakut mere
PërgjigjuU i tiranes nuk ka kampus per vete.
Përgjigju