POP 5

Lajmet më të lexuara të 5 minutave të fundit

Kronikë

Kolegji 'Turgut Ozal' kallëzon në Prokurori Policinë e Shtetit: Na bastisën zyrat me forcë, pa një vendim Gjykate

Avokati i kolegjit 'Turgut Ozal' ka mbërritur në Prokurorinë për të depozituar kallëzim penal për Policinë e Shtetit.

Avokati i kolegjit 'Turgut Ozal' ka mbërritur në Prokurorinë për të depozituar kallëzim penal për Policinë e Shtetit.

Ai shprehet se ka kallëzuar penalisht 12 persona pasi ka ndodhur një kontroll të tatimeve pa patur një mandat vendim prokurorie apo gjykate.

"Ka ndodhur disa kontrolle që ne i gjykojmë si të kundërligjshme, kemi adresuar kallëzimin penal. Kemi kallëzuar rreth 12 persona, ka ndodhur një kontroll pa patur një mandat, vendim prokuroria apo gjykate. Ka pasur një kontroll të Tatimeve që ka kryes konstatimet e saj dhe e ka nxjerrë që është një nga shoqëritë më serioze, çdo aludimi që mund të jetë, nuk di të ketë një procedim penal, pra që subjektet të jenë vënë në hetim, kontrolli ka konstatuar që kjo shoqëri zbatuar rregull. Kanë hyrë me forcë, kanë bastisur, kanë marrë me forcë faturat tatimore, libër shitjeje, amza nxënësit, kontrata me prindërit dhe nxënësit", tha avokati.

Vetëm dy ditë më parë, Prokuroria e Tiranës ka nisur një procedim penal për pastrim parash për shoqërinë “Turgut Ozal Education". Krimi ekonomik i Policisë së Tiranës ka marrë në pyetje pak ditë më parë pronarët e rinj të këtij institucioni arsimor, pasi në tre vite janë konstatuar transaksione të dyshimta në shit-bletje pronash nëpërmjet Niptit të shkollës, si dhe derdhje parash që nuk korespondojnë në vlerat e shkollimit dhe numrit të nxënësve.

Dyshime se dhjetëra transaksione të dyshimta si financime të terrorizmit, kanë çuar seksionin e krimit ekonomik dhe drejtorinë e Pastrimit të Parave Tiranë, të përpilojnë një raport financiar mbi volumin e pagesave bankare, mbi tre shtetas turq, ish-pronarë të kolegjit “Turgut Ozal” që quhen Rahmi Tozduman, Davut Hancioglu, Adnan Hosoglu dhe Yakup Arslan.

Ky raport i është përcjellë prokurorisë së Tiranës për vlerësim hetimor, pasi kanë lindur dyshime se këto para po hyjnë në llogaritë e disa njerëzve turq, që janë të lidhur ngushtë me organizatën “FETO”,e cila në disa vende të botës, përfshirë dhe Turqinë, cilësohet si organizatë terroriste.

B.K./E.M./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Kurbin/ Humb kontrollin e mjetit dhe del nga rruga, humb jetën 65 vjecari

Kurbin/ Humb kontrollin e mjetit dhe del nga rruga, humb jetën 65 vjecari

25 Dhjetor, 08:23