POP 5

Lajmet më të lexuara të 5 minutave të fundit

Sociale

Kolonjë/ 21 familje në Boshanj pa infermier! Banorët: Iku në Gjermani, s’kemi ku bëjmë një gjilpërë

Në fshatrat e thella mungon shërbimi shëndetësor. I tillë është fshati Boshanj në Kolonjë, ku qendra shëndetësore nuk hapet prej dy vitesh, pasi infermieri u largua në emigrim. Për të bërë nëj gjilpërë banorët janë të detyruar të udhëtojnë 20 km.

Kjo godinë e vogël, rrethuar nga ferrat është qendra shëndetësore e fshatit Boshanj në Kolonjë. Prej më shumë se dy vitesh këtu nuk shkel asnjë infermier.

“Kemi dy vjet pa infermier. E kemi bërë problem në bashki por nuk është zgjidhur”.

Për të bërë mjekimet apo injeksionet, banorët janë të detyruar të udhëtojnë me taksi drejt qytetit të Ersekës. Kostoja shkon 1500 lek për një rrugë, ç’ka rëndon xhepat e tyre.

“Me makina private shkojmë, do 15-20 mijë lek (të vjetra) taksia deri në Ersekë”.

Shpeshherë banorët janë të detyruar të marrin rrugën në këmbë nga Boshanji në Ersekë, për të kryer shërbimet mjekësore.

“Këtu infermier s’ka, u japim këmbëve e shkojmë në Ersekë për një gjilpërë”, tha një tjetër banor.

Pandi Çunge drejtor i Njësisë së Kujdesit Shëndetësor Kolonjë pranon faktin se në qendrën shëndetësore të Boshanjit vendi ka mbetur vakant pasi infermieri është larguar nga vendi.

Mungesa e rrugës, shkollës dhe qendrës shëndetësore kanë bërë që fshati Boshanj të braktiset dita-ditës. Sot kanë mbetur 21 familje, nga 80 që kanë qenë dy dekada më parë.

SI.E./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    A respektohen të drejtat e punëtorëve në Shqipëri?

Lajme të tjera



×

Lajmi i fundit

Babai pensionist i Ilir Metës shtëpi në Gjirin e Lalzit, e bleu me një shifër qesharake në vitin 2023

Babai pensionist i Ilir Metës shtëpi në Gjirin e Lalzit, e bleu me një shifër qesharake në vitin 2023

2 Maj, 13:54