POP 5

Lajmet më të lexuara të 5 minutave të fundit

Politikë

Komandanti i Flotës, konflikti
Topi-Imami drejt Kushtetueses

Konflikti mes Presidentit të Republikës, Bamir Topi dhe ministrit të Mbrojtjes, Arben Imami, në lidhje me emërimin e Komandantit të Flotës Detare, rrezikon të përfundojë në Gjykatën Kushtetuese. Burime gazetareske njoftuan sot se Presidenca i ka dërguar një letër zyrtare dikasterit të Imamit ku kërkon shpjegime në lidhje me emërimin e Ferdinand Kreshpanit.
TIRANE – Konflikti mes Presidentit të Republikës, Bamir Topi dhe ministrit të Mbrojtjes, Arben Imami, në lidhje me emërimin e Komandantit të Flotës Detare, rrezikon të përfundojë në Gjykatën Kushtetuese. Burime gazetareske njoftuan sot se Presidenca i ka dërguar një letër zyrtare dikasterit të Imamit ku kërkon shpjegime në lidhje me emërimin e Ferdinand Kreshpanit.

Ky vendim i ministrit Imami është cilësuar nga opozita si i paligjshëm dhe në shkelje të hapur të Kushtetutës e cila në nenin 169, paragrafi 3, thotë se “me propozim të ministrit të Mbrojtjes, Presidenti emëron dhe shkarkon komandantët e forcave tokësore, detare dhe ajrore”.

Presidenca momentalisht është në pritje të justifikimit të Ministrisë së Brendshme mbi anashkalimin e dekretimit të Kreut të Shtetit. Burime gazetareske sqarojnë se nëse nga dikasteri i Imamit do të ngrihet pretendimi se emërimi i Komandantit të Flotës është kompetencë e ministrit, atëherë Presidenca do t’i drejtohet Gjykatës Kushtetuese për një interpretim të çështjes.

Ndërkohë, ministri Imami ka marrë mbështetjen e hapur të Shefit të Shtabit të Përgjithshëm, Gjeneral Xhemal Gjunkshi, i cili në një intervistë televizive tha se emërimi deri ne granden kolonel është kompetencë e ministrit dhe jo e Presidentit.
"Është ligji për të drejtën e komandimit, i cili deri në gradën kolonel i jep të drejtën ministrit të Mbrojtjes për të bërë emërimin, në detyrën e Komandantit të Forcës detare. Sot, kjo forcë nuk ka aktualisht një gjeneral. Në momentin që të ketë gjeneral, atëherë detyrimisht edhe kjo do të kalojë për të ndjekur procedurat”, deklaroi dje Shefi i Shtabit të Përgjithshëm.

Komandanti i mëparshëm i Flotës Detare, Kudret Çela, u shkarkua me dekret të Presidentit të Republikës.

(im/shqiptarja.com)

/Shqiptarja.com
  • Sondazhi i ditës: 13 Janar, 10:25

    Nisi regjistrimi, a do të marrë pjesë masivisht në zgjedhje diaspora?

Lajme të tjera



×

Lajmi i fundit

Bie nga lartësia e pallatit në Tiranë, dërgohet te Trauma! Nuk dihen shkaqet

Bie nga lartësia e pallatit në Tiranë, dërgohet te Trauma! Nuk dihen shkaqet

15 Janar, 18:35