Kombëtarja luan me Kilin, burime: Ndeshja e 22 marsit zhvillohet në Parma

Kombëtarja luan me Kilin, burime: Ndeshja e 22 marsit zhvillohet në Parma

Kombëtarja

Kombëtarja shqiptare e futbollit do luajë kundër Kilit në datën 22 mars 2024 në stadiumin e Parmës në Itali. Burime nga Federata Shqiptare e Futbollit bëjnë me dije për Report Tv se palët tanimë janë dakordësuar dhe dueli miqësor do luhet në orën 20:45.

Ky do jetë takimi i parë mes dy skuadrave, me amerikano-latinët që janë një ekip i fortë dhe trajneri Sylvinho ka pasur një dëshirë të tillë. Kështu, përpara ndeshjes miqësore me Suedinë që luhet në datën 25 mars në Stockholm (19:00), kuqezinjtë do luajnë me Kilin në Itali.

Të dyja duelet janë në vazhdën e përgatitjeve për në Euro 2024. Kuqezinjtë e Sylvinhos u shortuan në grupin B dhe në Gjermani do përballen me Italinë, Spanjën dhe Kroacinë.

Veç dy ndeshjeve të marsit, FSHF po punon për t'i ofruar stafit edhe dy miqësore të tjera në fundin e majit dhe pse jo një duel gjeneral në fillimin e qershorit. Kujtojmë se "Gjermani 2024" nis në datën 14 qershor dhe finalja luhet më 14 korrik.

S.DH/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Rithemelimi propozon rikthimin e koalicioneve të vjetra, a jeni dakord?



×

Lajmi i fundit

O’Brien nesër në Beograd për takime me krerët e Serbisë

O’Brien nesër në Beograd për takime me krerët e Serbisë