Kombëtarja shqiptare u rikthye sot në Aeroportin e Rinasit pas eliminimit në Kampionatin Europian. Kuqezinjtë humbën mbrëmë ndaj Spanjës në Dusseldorf, duke mbyllur llogaritë në grupin B me vetëm një pikë, prej atij barazimi 2-2 ndaj Kroacisë.
Mesditën e sotme në Rinas nuk ka qenë i gjithë grupi i lojtarëve të grumbulluar për Europianin, pasi disa prej futbollistëve kanë vijuar në vende të tjera. Për mediat folën disa lojtarë si dhe trajneri brazilian Sylvinho i cili u ndal më gjatë për gazetarët.
Sulmuesi Ernest Muçi shpehu zhgënjimin për elimiminim, por edhe për minutat e pakta që kishte në dispozicion në tre ndeshjet e Europianit.
"Doja më shumë minuta. Gjithmonë kombëtarja është plani i parë. Ishte zhgënjyese që nuk morëm një pikë me Spanjën. Kjo eksperiencë do na duhet edhe në të ardhmen. Jam i lumtur që te Besiktas më kanë mbështetur”, tha ai.
Më tej për mediat foli edhe Sylvinho, i cili shprehu vlerësimin e tij për lojtarët e kombëtares dhe lojën e tyre.
"Jam shumë mirë. Ishte eksperience e mirë për këdo. Turne i jashtëzakonshëm. Ishte e vështirë për ne. E kam thënë, të gjithë lojtarët të gjithë, federata, kur vjen në ndeshjen sheh njerëz të të suportojnë ishte e jashtëzakonshme.
E kupton kur je për herë të dytë në këtë turne. Nuk është e lehtë. Të gjithë ata lojtarë."
Por braziliani nuk la pa përmendur që ne luajtëm ndaj tre kundërshtarëve mjaft të fortë në këtë turne, si Kroacia, Italia apo Spanja.
"Të hysh në fushë dhe të luash ndaj një Italie të fortë, Kroacie të fortë, Spanjë të fortë. Për gjithë vendin dhe lojtarët me këta të rinj, kanë fituar mjaft eksperiencë në këtë turne. Eksperiencë e bukur."
Së fundmi, tekniku vlerësoi edhe performancën e tifozerisë kuqezi në stadiume dhe në qytetet gjermane ku u luajt Europiani.
"Ishte pozitive. Kemi marrë shumë. Kemi rrugë të gjatë, por duhet të jemi të ndershëm jemi krenar për të gjithë lojtarët. Kemi lojtarë të rinj. Përfaqësuan mjaft mirë vendin. Fituan eksperiencë. Jemi në rrugën e duhur. Jam pjesë e kësaj pune, jam i lumtur në një vit e ca kemi bërë punë të madhe. Punojmë bashkë. Federata e kupton. Faleminderit të gjithë lojtarëve.
Suporti ishte i pabesueshëm. Kishte më shumë se sa gjermanë."
Mesfushori Ylber Ramadani u ndal për një prononcim të shkurtër për mediat, ku nuk fshehu zhgënjimin për eliminimin, pasi sipas tij meritonim më shumë ndaj Italisë, Kroacisë dhe Spanjës.
‘Kemi dashur më shumë të kualifikohemi. Tani duhet të fitonim me Kroacinë edhe dje meritonim një pikë. Trajneri na tha që ishte krenar me ne sepse luajtëm me kundërshtar të nivelit të lartë. Me Italinë shënuam golin por u tërhoqëm, por kishim shanse për një rezultat tjetër’, shprehet Ramadani.
Ndërsa mbrojtësi Elseid Hysaj tha se tani për të fillojnë pushimet.
Klaus Gjasula, mesfushori i Kombëtares foli pasi ekipi i Shqipërisë u kthye këtë pasdite në Tiranë, fill pas eliminimit nga Euro 2024.
“Ndjesia e autogoli nuk ishte shumë bukur, kam vuajtur për pak minuta pastaj me golin isha shkëlqyeshëm. Jemi kënaqur të gjithë, kemi bërë paraqitje shumë të mirë dhe kemi prezantuar vendin tonë shumë mirë.
Mendon se duhet të luaje më tepër në këtë Evropian? Në fund të fundit e vendos trajneri, ai mendon se cila është më e mira për ekipin, çdo minutë që luajta e shijova dhe provova të jap maksimumin.
Nota për kombëtaren? Besoj për shtetin shqiptar ka qenë një gjë shumë mirë, bota tani na sheh shumë ndryshe. Tifozët kanë qenë të mrekullueshëm, më të mirët në këtë evropian", tha Gjasula.
Kombëtarja u eliminua nga Euro 2024 dhe kuqezinjtë pasditen e së martës u kthyen në Tiranë. Nga aeroporti i Rinasit foli edhe Elseid Hysaj.
"Tani fillojmë pushimet. Ishte një grup i vështirë por shumë bukur. Falenderoj të gjithë tifozët. Do iki se kam edhe unë pushimet", tha Hysaj.
Për mediat nga Aeroporti i Rinasit foli edhe mesfushori i kombëtares Ylber Ramadani. Lojtari nuk e fshehu zhgënjimin e eleminimit nga Kampionati Europian, pas morëm vetëm 1 pikë në grupin B. Ramadani shtoi se meritonim fitoren me Kroacinë, ndërsa ndeshjen e djeshme mund të merrnim një pikë.
'Ishte ndjesi e mirë. Provuam të japim maksimumin. Përkrahja e shqiptarëve ka qenë fantastike. Eksperienca do vazhdojë tutje dhe do përgatitemi për të ardhmen. Kemi dashur më shumë të kualifikohemi. Tani duhet të fitonim me Kroacinë edhe dje meritonim një pikë. Trajneri na tha që ishte krenar me ne sepse luajtëm me kundërshtar të nivelit të lartë. Me Italinë shënuam golin por u tërhoqëm, por kishim shanse për një rezultat tjetër.'
Ernest Muçi, sulmuesi i Kombëtares foli për mediet pasi ekipi mbërriti në Rinas, kjo pas eliminimit nga Euro 2024. Sulmuesi i Besiktas dukej i zhgënjyer për minutat e pakta që mori në "Gjermani 2024".
“Doja më shumë minuta. Gjithmonë kombëtarja është plani i parë. Ishte zhgënjyese që nuk morëm një pikë me Spanjën. Kjo eksperiencë do na duhet edhe në të ardhmen. Jam i lumtur që te Besiktas më kanë mbështetur”, tha ai.
Komente
Lajme të tjera
-
Votat e Shqipërisë për 'The Best'! Sylvinho zgjedh brazilianin e Realit, Gjimshiti nderon legjendën e Gjermanisë
18 Dhjetor, 11:52 -
Ish-trajneri i Kosovës Bylblyl Sokoli për 'Report TV': Serbët në Tiranë do sillen si pulat, mund të fitojmë!
17 Dhjetor, 14:06
-
Protagonist si zëvendësues, Muçi nuk shmang dot disfatën e Besiktas! E mund Demirspori i Kurtulan (VIDEO)
17 Dhjetor, 11:56 -
Botërori 2026/ Përballja kundër Shqipërisë, Serbia pa tifozë në Tiranë (VIDEO)
14 Dhjetor, 20:14 -
Kualifikueset e Botërorit 2026, Rraklli për Report TV: S'e doja këtë short, Sylvinho të bëjë ndryshime! Leci: Serbia mendjen për telashe, Kosova e ka vështirë
14 Dhjetor, 16:00 -
Serbia i nis kualifikueset në Tiranë, Aleksandër Vuçiç: Do të jetë problem! Kanë skuadër të fortë
14 Dhjetor, 08:57 -
Kalendari i kualifikueseve të Botërorit/ Serbia më 7 qershor në Tiranë, do të luajë pa tifozë, më 11 tetor Kombëtarja në Beograd! Ndeshja e parë me 'Tre Luanët'
13 Dhjetor, 21:22 -
Botërori 2026/ Reagimet pas shortit, Armand Duka: Grupi që nuk doja! Sylvinho: Kualifikohemi në Botëror, me Serbinë e dimë historinë
13 Dhjetor, 14:15 -
E PLOTË/ Short 'ferri' për kualifikueset e Kupës së Botës 2026, Shqipëria me Anglinë dhe Serbinë në Grupin K! Kosova në Grupin B me Zvicrën, të gjitha grupet
13 Dhjetor, 12:00 -
Nesër shorti, Kombëtarja njeh kundërshtarët e kualifikueseve për Kupën e Botës 2026! Rrezikohet grupi me Serbinë
12 Dhjetor, 10:41 -
Tifozët fusin në telashe FSHF-në, UEFA gjobë 27.750 euro
12 Dhjetor, 09:24 -
VIDEO/ Ernest Muçi s'u beson syve, humbet rastin e artë! Besiktas fiton derbin kundër Fenerbahces së Mourinhos
7 Dhjetor, 19:50
Shkarkojeni merrni Shpetim Duron !
Përgjigju