POP 5

Lajmet më të lexuara të 5 minutave të fundit

Sport

Kombëtarja nis përgatitjet për Poloninë, të dielën sfida! Bajrami: Jemi në gjysmë të rrugës! Mitaj: Pika kundër Çekisë do na ndihmojë

Kombëtarja ka nisur përgatitjet për sfidën e së dielës kundër Polonisë në Tiranë. Nedim Bajrami, futbollisti i cili realizoi golin e barazimit kundër Çekisë, thotë se kuqezinjtë duhet të qëndrojnë me këmbë në tokë, pasi deri më tani është bërë vetëm gjysma e punës.

Kombëtarja ka mbyllur gjysmën e fushatës elminatore të Europianit 2024, por për kuqezinjtë nuk është momenti për të pushuar. Nën drejtimin e Sylvinhos kanë nisur përgatitjet për sfidën e së dielës me Poloninë, që vjen pas një momenti pozitiv të krijuar nga barazimi 1-1 me Çekinë. Autori i golit Nedim Bajrami, thotë se duhet ende shumë punë për të përmbushur ëndrrën e kualifikimit.

“E dinim se do ishte një ndeshje shumë e vështirë për ne, sepse kundërshtari ishte fizikisht shumë i fortë. Ne dhamë shpirtin në fushë dhe shënuam 1-1. Unë jam i lumtur që ndihmova skuadrën, por të gjithë luajtëm shumë mirë. Tani kemi një ndeshje tjetër. Kemi akoma rrugë të gjatë për të bërë", tha Nedim Bajrami, futbollist i kombëtares.

Mbrojtësi 20-vjeçar Mario Mitaj beson se barazimi me Çekinë do ta ndihmojë shumë kombëtaren pas 2 ditëve me Poloninë.

“Si unë dhe ekipi bëmë një paraqitje shumë të mirë. Mbrojtëm, sulmuam sëbashku dhe dhamë shpirtin për skuadrën. Ky grup në dy vitet e fundit është shumë harmonik në dhomat e zhveshjes. Me këtë rezultat pozitiv do jemi edhe më të përqëndruar dhe të motivuar kundër Polonisë", u shpreh Mario Mitaj, futbollist i kombëtares.

Polonia që renditet në vendin e 3 në grup, me 1 pikë më pak se Shqipëria, do tentojë të mposhtë kuqezinjtë në Air Albania për ti marrë vendin, pasi dy përfaqësueset e para shkojnë në Europian. Ndeshja e parë për eliminatoret e Euro 2024, u zhvillua me 27 mars në Varshavë dhe u fitua 1-0 nga polakët me golin e Sëiderskit. Të dielën Shqipëria do ketë ndihmën e madhe të tifozëve, pasi 22 mijë biletat janë shitur me kohë, ndërsa sfida do të gjykohet nga një katërshe arbitrash nga Spanja me kryesor Jose Maria Sanchez.

B.K/KT/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 25 Janar, 13:37

    A duhet të votojnë emigrantët që kanë vetëm dokumente identifikimi të huaja?

Lajme të tjera



×

Lajmi i fundit

Homazhet për Kryepiskopin Anastas, në Tiranë pritet delegacion i lartë nga Vatikani, Kishat botërore dhe politikanë të lartë

Homazhet për Kryepiskopin Anastas, në Tiranë pritet delegacion i lartë nga Vatikani, Kishat botërore dhe politikanë të lartë

26 Janar, 22:57