POP 5

Lajmet më të lexuara të 5 minutave të fundit

Sport

Kombëtarja pa Manajn e Brojën në nëntor, Sylvinho i detyruar 'ti shtrijë dorën' golave të Muçit e Uzunit! Daku e Çuni pa fat në Rusi

Kuqezinjtë për dy sfidat e nëntorit kanë rikuperuar Gjimshitin dhe Asllanin, ndërsa ende nuk dihet nëse do thirret Indrit Tuci apo Marvin Çuni.

Kombëtarja pa Manajn e Brojën në nëntor, Sylvinho i detyruar 'ti shtrijë dorën' golave të Muçit e Uzunit! Daku e Çuni pa fat në Rusi

Futbollistët e kombëtares shqiptare

Ernest Muçi nuk po ndalet te Besiktas. Sulmuesi 23-vjeçar, i shumë kritikuar nga tifozët turq, realizoi golin e parë në fitoren 2-0 që ekipi i tij mori në Europa League kundër Malmos. Në shenjë revolte Muçi nuk festoi gjatë, por ky ishte goli i tretë në tre ndeshjet e fundit me Besiktas, që janë një shenjë tejet pozitive për trajnerin e kombëtares Sylvinho. Ky i fundit në të kaluarën e ka aktivizuar shumë pak Muçin, por situata mund të ndryshojë, pasi listës së nëntorit do ti mungojnë jo pak sulmues.

Rey Manaj, i cili ka fituar shumë kredibilitet në ndeshjet e fundit të kuqezinjve, vijon i dëmtuar dhe sipas të gjitha gjasase nuk do të ketë ftesë për dy ndeshjet e Ligës së Kombeve, kundër Çekisë me 16 nëntor dhe kundër Ukrainës me 19 nëntor. E sigurtë 100% është mungesa e Armando Brojës, i cili të mërkurën u stërvit për herë të parë me Everton, por është shumë larg formës për të marrë minutat dhe do vijojë rikuperimin në Angli.

Nën urdhrat e Sylvinhos, përveç Muçit, në sulm pritet të jetë edhe Mirlind Daku, i cili nuk vjen nga një moment i mirë. Të mërkurën sulmuesi, i cili luajti si zëvendësues në çerekfinalen e Kupës kundër CSKA-së, humbi një penallti në minutën e 89 në ndeshjen që e mbyll 0-0. Më herët, në të njëjtën ndeshje, Marvin Çuni realizoi gol, por që iu anulua me VAR. Shpresat e sulmit për ndeshjet e kombëtares pritet të jenë edhe tek Myrto Uzuni, i cili shpesh nuk ka marrë aq sa ka merituar referuar golave që realizon. Një i tillë ishte edhe fundjavën që lamë pas.

Lajm i mirë për kombëtaren është rikuperimi i Kristjan Asllanit, i cili pas një dëmtimi jo të lehtë u rikthye në fushë të mërkurën me Interin, teksa siguri jep Berat Gjimshiti. Kapiteni ka munguar në 2 grumbullimet e fundit në shtator dhe tetor për shkak dëmtimi, ndërsa pritet të jetë një siguri në mbrojtje. Këtë herë listës pritet ti mungojë Marash Kumbulla, i cili ka pësuar një dëmtim me Espanyol.

Ne.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    26 Dhjetor, 08:05

    Si ka qenë për ju viti 2024?

Lajme të tjera



×

Lajmi i fundit

‘Studio Live’, avokati Islami: ‘Berisha do arrestohet, ‘non grata’ s'i hiqet! Nuk do ketë zgjedhje!’ Balliu sulmon Bashën si ‘dështak’: Kam votuar Olldashin!

‘Studio Live’, avokati Islami: ‘Berisha do arrestohet, ‘non grata’ s'i hiqet! Nuk do ketë zgjedhje!’ Balliu sulmon Bashën si ‘dështak’: Kam votuar Olldashin!

26 Dhjetor, 18:14