POP 5

Lajmet më të lexuara të 5 minutave të fundit

Politikë

Lajme nga emisionet

Komisioni Antikorrupsion, analisti Peçi: PS kërkon të kapë GJKKO që të bllokojë punën e SPAK! Nëse opozita merr pjesë, bashkëpunon me Ramën

Analisti Ermal Peçi ka komentuar në Report Tv ngritjen e Komisionit të Posaçëm Antikorrupsion. Sipas tij, ky komision është ngritur me synimin për të bllokuar reformën në drejtësi, e sidomos GJKKO.

Analisti Ermal Peçi ka komentuar në Report Tv ngritjen e Komisionit të Posaçëm Antikorrupsion. Sipas tij, ky komision është ngritur me synimin për të bllokuar reformën në drejtësi, e sidomos GJKKO.

Peçi thotë për ‘Sot Live në Shqipëri’ me gazetarin Nertil Agalliu, se duke bllokuar GJKKO është e vetmja mënyrë për të frenuar punën e mirë që po bën SPAK.

“Nuk ka informacion se çfarë përfaqëson kjo rezolutë. Nuk ka një dokument se çfarë kërkon kjo konkretisht. Flitet që synimi nuk është SPAK, por GJKKO. Pse duan ta kapin GJKKO në këtë momente. SPAK po bën një punë të mirë dhe e vetmja mënyrë se si mund të ndalojnë hovin e SPAK është të bllokojnë GJKKO. Nëse s’ka informacion të detajuar se për çfarë do shërbeje kjo rezolutë konkretisht, mund të ndodhë të përsëritet e njëjta gjë si me amnistinë penale”, tha Peçi për Report Tv.

Sipas tij, nëse opozita ulet në tyrezën e këtij komisioni do të thotë që po bashkëpunon me Ramën.

“Mënyra se si u miratua rezoluta mjaftonte vetëm me votat e PS, si të ishte opozita si jo. Shqiptarët duan të dinë kjo rezolutë e pengon SPAK dhe GJKKO. SPAK ka rritur besueshmërinë te shqiptarët, kush janë palët e interesuar për të kapur SPAK. Një palë është Edi Rama.

Nëse s’ka transparencë, kushdo që shkon në komision thjesht po bashkëpunon me Ramën. Dua të ketë një frymë tjetër politike në këtë vend. Opozita me fuqinë e fjalës që ka të dalë dhe të denoncojë momentin kur duan të kapin SPAK, aferat korruptive”, vijoi Peçi.

Komisioni i Posaçëm Antikorrupsion u ngrit një ditë më parë vetëm me 74 votat e mazhorancës, ndërkohë që opozita bojkotoi procesin e votimit. Nga rreshti dolën vetëm 6 deputetë opozitarë të cilët ngritën kartonin e kuq, Ervin Salianji, Lindita Metaliaj, Ilda Dhori, Elda Hoti, Agron Shehaj dhe Albana Vokshi.

Komisioni i Posaçëm anti-korrupsion do të ketë 11 anëtarë, me një afat fillestar 10 mujor, ndërsa drejtues pritet të jetë socialisti Fatmir Xhafaj. Objekti i komisionit, sipas projekt-vendimit do të jetë skanimi dhe reformimi i luftës ndaj korrupsionit dhe sundimi i ligjit në funksion të integrimit evropian të vendit.

SI.E./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 27 Janar, 09:30

    A mendoni se vota e diasporës do të jetë përcaktuese në zgjedhje?

Lajme të tjera



×

Lajmi i fundit

Krijimi i Bankës Shtetërore për Zhvillim, kundërshtitë mes Tabakut dhe Berishës

Krijimi i Bankës Shtetërore për Zhvillim, kundërshtitë mes Tabakut dhe Berishës

27 Janar, 17:43