POP 5

Lajmet më të lexuara të 5 minutave të fundit

Politikë

Komisioni Evropian paralajmëron sërish Shqipërinë për pasaportat e arta: Përbën rrezik për anëtarësimin në BE

Komisioni Evropian ka paralajmëruar edhe një herë Shqipërinë që të mos prezantojë skemën e saj të pasaportës së artë pasi bie ndesh me legjislacionin e BE dhe përbën rrezik për anëtarësimin e Shqipërisë.

Komisioni Evropian paralajmëron sërish Shqipërinë për pasaportat e arta: Përbën rrezik për anëtarësimin në BE

Foto ilustruese

Komisioni Evropian ka paralajmëruar edhe një herë Shqipërinë që të mos prezantojë skemën e saj të pasaportës së artë pasi bie ndesh me legjislacionin e BE dhe përbën rrezik për anëtarësimin e Shqipërisë.

Pavarësisht paralajmërimeve të Komisionit të BE-së, autoritetet në Shqipëri prezantuan ndryshime të reja në ligjin për partneritetin publik-privat (PPP) duke përfshirë në ligj edhe skemën e Pasaportës së Artë, shkruan SchengenVisa.

Në një vendim të marrë më 29 korrik, Qeveria shqiptare i dha jetë një projekti për t’i dhënë shtetësi shqiptare për shtetas të huaj dhe të pasur që duan të investojnë në Shqipëri. Këshilli i Ministrave i hapi rrugën punësimit të një kompanie ndërkombëtare për promovimin e pasaportës shqiptare në botë, një kontraktim në formën e koncesionit.

Programi “Qytetaria me Investim” është i pranueshëm në disa vende evropiane por autoritetet në vendet e BE-së shpesh e kanë kritikuar një skemë të tillë pasi shpesh është përfshirë në afera të paligjshme si pastrimi i parave dhe korrupsioni, edhe pse Skemat e Pasaportës së Artë sjellin përfitime të konsiderueshme për sektorin ekonomik.

Në artikullin e publikuar thuhet se disa nga zyrtarët e qeverisë shqiptare kanë hedhur poshtë kritikat e autoriteteve të BE-së duke thënë se synimi i vetëm është që të tërheqin investitorë të huaj dhe të pasur.

Por Brukseli ka një mendim tjetër. Sipas raportit të fundit të progresit të Shqipërisë, të prezantuar vitin e kaluar, thuhet se vendosja e një skeme të tillë përbën rrezik edhe për sigurinë e vendit.

/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 25 Janar, 13:37

    A duhet të votojnë emigrantët që kanë vetëm dokumente identifikimi të huaja?

Lajme të tjera



×

Lajmi i fundit

Homazhet për Kryepiskopin Anastas, në Tiranë pritet delegacion i lartë nga Vatikani, Kishat botërore dhe politikanë të lartë

Homazhet për Kryepiskopin Anastas, në Tiranë pritet delegacion i lartë nga Vatikani, Kishat botërore dhe politikanë të lartë

26 Janar, 22:57