Inceneratorët/ Dëshmon Veliaj: Tirana sot, më e pastër me 30% më pak shpenzime! Projektin e kërkuan edhe kryebashkiakët tuaj! Tabaku: Dhatë aprovim pa pyetur Këshillin Bashkiak

Kryetari i Bashkisë së Tiranës Erion Veliaj duke folur në Komisionin hetimor parlamentar për inceneratorët lidhur me afatet për përfundimin e projektit ka deklaruar se kjo i përket supervizorit të kontraktuar nga kompania koncensionare. Bëhet fjalë për Arben Dervishaj, që njihet si një nga njerëzit më të afërt të Armand Dukës, pasi është dhe anëtar i Komitetit Ekzekutiv të Federatës Shqiptare të Futbollit. Veliaj thotë se ai duhet të vijë të jap llogari këtu se ku i çon lekët.

“Çdo punë publike ka një supervizor. Supervizori i kësaj pune publike quhet Arben Dervishi. Është ky i FSHF që vjedh zgjedhjet në Gjirokastër. Shyqyr zgjedhjet u pezulluan. Unë nuk jam tekniku i lavatriçes të merrem me bullona e me furrnalta. Unë jam kryetari i Bashkisë. Kam një detyrim që ta çoj mbeturinën deri te dera, të peshohet ndërkohë që ai po merr pa fund para, por ju s’flisni. Pse s’flisni për Ben Dervishin e Armando Dukës? Sepse ky njeri që është supervizori.  Tani që gara për FSHF është pezulluar, ka kohë të përgjigjet edhe për këtë. Paguhet sa frëngu pulën, të japë llogari ku shkojnë lekët e supervizorit . Të vijë këtu si burrat e te mos shkojë koteceve, të vjedhë votat e FSHF", tha Veiaj.

Sipas të dhënave të publikuara në media së fundmi Arben Dervishaj ka përfituar plot 740 mijë dollarë për konsulencën e dhënë për inceneratorët.

Korporata Financiare Ndërkombëtare (IFC)-Banka Botërore i ka dorëzuar një raportin Lulzim Bashës, në atë kohë Kryetar Bashkia ku japin alarmin se venddepozitimi i Sharrës nëse nuk do të merren masa do të bllokohet deri në 2015.

Ishte Kryetari i Bashkisë Erion Veliaj ai që bëri publike raportin që i është dorëzuar paraardhësit të tij Lulzim Basha, dhe ku kërkohej marrja urgjente e masave nga ana e Bashkisë për të gjetur një zgjidhje për plehrat e kryeqytetit.

“Në një raport që bën IFC. IFC i thotë Bashkisë tonë në atë kohë, 2013 administrata Basha. IFC thotë: “Jetëgjatësia si venddepozitues i Sharrës parashikohet të përfundojë në vitet 013 maksimumi në vitin 2015. Pra, kur unë mbërrita në 2015 isha te afati i fundit që IFC thoshte që ky vend mund të mbajë venddepozitim”, tha Veliaj.

Por çfarë thotë raporti i plotë?

“Jetëgjatësia e dobishme c venddepozitimit ekzistues të Sharrës parashikohet të përfundojë në vitet 2013 - 2015, në varësi të cilësisë së funksionimit të venddepozitimit. Funksionimi efiçent i venddepozitimit është thelbësor për maksimizimin e jetëgjatësisë së dobishme të tij. Bashkia aktualisht nuk disponon njohuritë e nevojshme teknike, dhe as mjetet financiare për një funksionimin e përshtatshëm të venddepozitimit, e cila sjell humbjen e kapaciteteve të depozitimit si dhe një prodhim më të larte të ujrave të mbetura dhe shkarkimeve të gazit. Përveç kësaj, nevojiten mjete financiare të rëndësishme me qëllim që të ndërtohet pjesa e re e venddepozitimit, dhe Bashkia në këtë moment nuk ka hapësirë fiskale për ndërtimin e nevojshëm. Për këto arsye, Bashkia konsideron që Projekti duhet të financohet, permirësohet, të vihet në punë dhe të administrohet nga një investitor/operator kompetent në kuadër të një kontrate PPP të mirëhartuar dhe te financuar në mënyrë te besueshme. Duke patur këtë parasysh, transferimi i funksionimit dhe përgjegjësive për grumbullimin e mbetjeve dhe menaxhimin e venddepozitimit tek sektori privat duket një qasje e arsyeshme”, thuhet në raportin e IFC.

Dokumenti, raporti i IFC

Një tjetër debat i ashpër gjatë mbledhjes së Komisionit Hetimor mes kryebashkiakut Veliaj dhe deputetes Tabaku. Veliaj i tha Tabakut se anëtarja e zgjedhur e AMA-s, ish-këshilltarja mediatike e Bashës, Desada Metaj i ccon pyetjet në celular. Tabaku kërkoi reagimin e kryetares së Kuvendit që të japë shpjegim se si i mori pamjet e kamerave të Kuvendit.

Veliaj: Goc Samiu dhe t'i çon mesazhet Desada. Po nuk të vjen turp?

Tabaku: Kamerat e Kuvendit lexojnë celularët e deputetëve në Kuvend. I kërkoj kryetares së Kuvendit që të marrë masa menjëherë për kamerat e Kuvendit. Keni marrë kamerat e Kuvendit që lexojnë mesazhet. Kamerat e gazetarëve.

Në debatin me Tabakun dhe demokratët e tjerë në Komisionin Hetimor për Inceneratorët, Veliaj i kujtoi atyre përplasjen brenda Partisë Demokratike mes Sali Berishës dhe Lulzim Basha.

"Në dallim nga ju që përzini me shqelma drejtuesit, unë e kam për nder që kam Edi Ramën drejtues. Mos më tregoni adhurimin për drejtuesit pasi i nxirrni me shqelma, dhe unë e Edi Rama duhet të pastrojmë edhe mbetjet tuaja pas 8 janarit. Unë nuk i shes shokët e partisë", tha Veliaj.

Debati mes Kryetares së Komisionit Hetimor për Inceneratorët, Jorida Tabaku dhe kreybashkiakut të Tiranës, Erion Veliaj i ka kaluar shpesh kufijtë.

Tabaku: Ju e keni miratuar në mars. Buxhetin e ke miratuar 6 muaj më pas. Nuk ke pasur buxhet. Është shkresë shtatori ne po flasim për marsin e 2017.

Veliaj: Po ca presioni kam unë o mavri. Se të kam mundur në gjykatë. Qetësohuni. Jam parimisht dakord kam thënë në mars dhe kam kërkuar Këshilli Bashkiak të miratojë buxhet se toka ka qenë e Shtetit.

Tabaku: Nuk të nderon fare të bësh si llaxhore këtu. Pse gënjeve në këtë komision.

Veliaj: Ju ftoni Edi Ramën dhe jo Lul Bashën ku në 2013, pa këshillin miraton këshillin e fizibilitetin. Lul Basha i merrte pa këshillë.

Tabaku: Thërriteni në komision. Pse gënjyet.

Veliaj: Do të të mund në gjykatë. Për shpifje. Të nxori gjykata shpifëse. Apo kontraktori i vilës tënde. E di që je në ndërtim.

Kryetarja e Komisionit Hetimor për Inceneratorët, Jorida Tabaku, e akuzoi Veliajn  se Bashkia Tiranë ka dhënë një tender një monopoli për dherat në konsecionarin e Tiranës.

"Erdhi drejtori i Agjencisë Kombëtare te Territorit dhe tha qe ka një monopol për dherat ne Tiranë.   Ku e ke te bazuar i thamë ne?  Ai tha “ma ka sjelle Bashkia e Tiranes me nje harte qe ne e kemi këtu.  Dhe e kemi administruar si provë. E pyetem, sa leje ka dhënë Bashkia Tirane?  Ai tha “Vetem nje”. Kjo pra është monopol.

Është dhënë një monopol për dherat dhënë për kocensioinarin e Tiranes, ne shtese te kontratës qe nuk është llogaritu ne kontrate, 45 mln euro, sipas librave te shitje-blerjes se kompanisë, qe ky komision e ka administruar si prove.  Ne cilin vendim te Këshillit Bashkiak, cila germe mund t’i referoheni per kete vendim?", tha Tabaku.

Ndërsa Veliaj i është përgjigjur se kjo është marrëdhënie private dhe nuk ka vendim të Këshillit Bashkiak kur marrëdhënia është private.

"Pyetja është njësoj sikur Belindi të shesë laptopin që ka, e ti thua vendim këshilli, është marrëdhënie mes privatit. Në këtë qytet ka vetëm me këshill kombëtar vetëm një vend. Ke fusha e Aviacionit, te pallatet që zonja me të drejtë thotë jemi familje ndërtuesish, e shumë mirë", tha ai. 

Kryetari i Bashkisë së Tiranës, Erion Veliaj, kujtoi edhe një herë projektin e Lulzim Bashës për pastrimin e kryeqytetit me 39 euro për ton ndërkohë që sipas tij Tirana sot është më e pastër dhe 30% më lirë.

"Sa më shumë mbani, thesare do të dëgjoni për çfarë keni bërë. Basha i shkruan Berishës që ta bëjmë landfillin për 37 euro/ton. Ne e kemi 29 euro/ton, 30% më pas seç kërkonte ta bënte Basha. Basha ia çon fizibilitetin qeverisë dhe ngeli aty se humbi qeveria. Në 2013 është shpallur një gjendje e emergjencës mjedisore kur Basha ishte në bashki.  Jam përgjigjur vetëm për Bashkinë e Tiranës në shkresën time", tha Veliaj teksa paraqiti edhe dokumentin. 

Nnë gusht të 2013, Lulzim Basha nis tratativat lidhur me menaxhimin e plehrave të qytetit nga privatët. Kontrata në atë kohë nga Basha kishte si çmim për mbledhjen dhe përpunimin e mbetjeve 37 euro për ton, ose e thënë më thjeshtë, 8 euro/ ton më shumw se sa menaxhohet tani kur kryeqyteti pastrohet 3 herë në ditë. Kontrata do të ishte 20-vjeçare duke bërë që fitimet të vijonin normalisht, pavarësisht se kush do të merrte më pas drejtimin e bashkisë apo të qeverisë.

Mjafton të lexojmë studimin e fizibilitetit që do i hapte rrugë kësaj kontrate të majme dhe që është firmosur pa hezitim nga kryetari i Bashkisë së asaj kohe Lulzim Basha, sot kryetar i opozitës.
“Fizibiliteti i objektit vlerëson se koncesioni për menaxhimin e mbetjeve urbane dhe pastrimin e qytetit të Tiranës, nisur edhe nga eksperiencat ndërkombëtare të projekteve të ngjashme, do të jepet për një periudhë mesatare 20-vjeçare, me një investim kapital total në afro 34.6 milionë euro dhe një kosto operacionale në 37 euro/ton. Vlerësimi i bërë në studim për pagesën koncesionare që Bashkia Tiranë duhet të paguajë për menaxhimin/trajtimin e mbetjeve dhe pastrimin e qytetit vijon në 11,412.000 euro/vit – 12,382,000 euro/vit – 10,387.000 euro/vit, respektivisht për skenarët “base case”, “laë case”, dhe “high case”, thuhet në studimin e fizibilitetit të Bashkisë së drejtuar nga Basha në atë kohë. Pra, sikurse mund të shihet, Kryetari i Partisë Demokratike Lulzim Basha që sot shprehet kundër menaxhimit të mbetjeve, e kish mbyllur me 37 euro/ ton. Me sa duket, kreu demokrat dhe Tabaku po vajton 8 euro për çdo ton plehrash nga projekti i firmosur prej atij vetë kur ishte Kryetar Bashkia.

Kryetarët e zgjedhur nga PD kanë shprehur pëlqimin për ndërtimin e inceneratorit të Tiranës. Ky është pretendimi i kryetarit të Bashkisë së Tiranë, Erion Veliaj, i cili në dëshminë sot në Komisionin Hetimor për Inceneratorët tha se Kryebashkiaku i Kavajës Isa Sakja i zgjedhur nga PD e drejtuar nga Lulzim Basha, ka bërë edhe një shkresë ku jep pëlqimin për inceneratorin dhe merr përsipër çdo detyrim. Ai shkon edhe më tej, ku jo vetëm jep pëlqimin, por shpreh gatishmërinë për të plotësuar ccdo nevojë dhe paguar cdo kosto me qëllim realizimin e kësaj kontrate.

“Bashkia Kavajë ne perputhje mc kontraten e Koncensionit date 31.08.2017, mes koncensionarit Integrated Energy BV SPV" dhe Ministrise se Mjedisit "Per ndertim Landfilli Ineeneratori dhe rehabilitim i venddepozitimeve ekzistuese Tirane dhe prodhimin e energjise elektrike" ne menyre te parevokueshme dhe pa kushte pranojme dhe deklarojme se bashkia Kavaje eshte vene ne dijeni dhe ka pranuar, ka kuptuar te gjitha te drejtat dhe detyrimet qe dalin nga kontrata dhe anekset e saj per bashkine dhe sa me siper:

Angazhohemi per të gjitha detyrimet qe rezultojne si te tilla, per bashkine Kavaje, duke perfshire por pa u kufizuar ne kryerjen e te gjitha pagesave per depozitimin dhe perpunimin e mbetjeve, sipas çmimit 29 Euro per ton pa TVSHI dhe konform aneksit perkates, pergjate gjithe kohezgjatjes se marveshjes, ose cdo cmimi te modifikuar, konform dispozitavc të kontrates. Angazhohemi per te kryer të gjitha veprimet, dhe të permbushim te gjitha detyrimet, qc rezultojne nga kontrata, perfshire gjithashtu pa u kufizuar dhe asistencen ne procedurat e lidhura me ndertimin dhe funksionimin e vcprave( ashtu sic definohen ne kontrate), proceset e shpronesimit dhe angazhohemi të shmangemi nga cdo veprim qe shkon kunder dispozitave te kontrates, frymes se saj dhe anekseve te kontrates”, shkruan Isa Sakja në shkresën që e paraqiti në Komision Veliaj.

Lajm në përditësim...

Debati në Komisionin Hetimor është shumë i nxehtë mes Erion Veliajt dhe Jorida Tabakut. 

Tabaku: Nuk ke pasur buxhet. Pse keni autorizuar një angazhim kontraktor për miratimin e Këshillit Bashkiaj?

Veliaj: Qetësohu, pse bën si histerike? Unë nuk flas në emër të Këshillit Bashkiak. Kam thënë që jam paramisht dakord. Ndërkohë që kolegët e PD-së, Sakja dhe Ismaili, thonë vetë që jemi plotësisht dakord.

Tabaku: Gënjen në këtë komision, trego pse gënjen në këtë komision!

Kryetari i Bashkisë së Tiranës Erion Veliaj i ka kujtuar deputetes së PD Jorida Tabakut, në debatin në komision se të jetë për përballjet mes të dyve, ai ka fituar në gjyq ndaj saj. Kryetarja e Komisionit i ka thënë që të lexojë vendimin e Këshillit Bashkiak.  

Pjesë e debatit:

Tabaku: Më lexo vendimin e Këshillit Bashkiak.

Veliaj: Ti mund të bësh pyetjet, por jo përgjigjet e mia. Është e pandershme kjo që po bën. E fton tjetrin të dëshmojë. Po të jetë për përballljet tona unë të kam mundur në gjyq dhe je dënuar sistematikisht për shpifje. (Tabaku i mbyll mikrofonin)

Tabaku: Zoti Veliaj më cito vendimin e Këshillit Bashkiak.

Veliaj: Mos ma hiq mikrofonin sepse je dënuar për shpifje. (Tabaku mbyll mikrofonin)

Kryebashkiaku Erion Veliaj në dëshminë në Komisionin Hetimor Parlamentar ka vijuar përplasjen e ashpër me Tabakun.

"Unë të kam mundur në gjyq dhe jeni dënuar për shpifje", tha ai.

"Më lexo vendimin e Këshillit Bashkiak", iu përgjigj Tabaku.

"Ja ku e keni vendimin e Këshillit Bashkiak. Unë vij i përgatitur dhe nuk dëgjoj Monikën në televizor dhe bëhem gazi i botës. hedh Monika një gur në lum dhe gjithë të mençurit turren", tha kryebashkiaku.  

"Ti je gënjështari më i madh në vend dhe më tregon mua gënjeshtra", tha Tabaku.

Kryebashkiaku i Tiranës Erion Veliaj dhe kryetarja e Komisionit Hetimor për Inceneratorët kanë debatuar ashpër që në fillim të dëshmisë së Veliaj.

- Tabaku: A e njihni Klodian Zoton apo Mirel Mërtirin?

- Veliaj: E  kam parë në fotografi me Gert Bogdanin që ka qenë në atë kohë drejtues i marrëdhëive me jashtë në PD.

- Tabaku: A keni bërë udhëtime me ta?

- Veliaj: Nuk kam bërë asnjë udhëtim, por jam informuar për udhëtimin e tyre në Zimbabve me zyrtarë të PD.

-Tabaku:  A keni pasur komunikim me telefon?

- Veliaj: Nuk kam kryer asnjë udhëtim apo komunikim. Jam njohur nga mediat se drejtues të PD-së kanë udhëtuar me ta. Pra, nëse i njoh vetëm përmes medias me udhëtimin e tyre në Zimbabve. I njoh vetëm nga portalet për udhëtimin e tyre në Zimbabve me drejtues të PD. Ju keni abuzuar. Unë jam betuar, ju jeni betuar që nuk do të gënjeni?

Tabaku: Dëshmitar, fokusohuni te pyetjet e mia. Unë jam betuar si deputete e Kuvendit të Shqipërisë.