Deputeti socialist Ilir Metaj, njëherazi edhe anëtar i Komisionit Hetimor për Shëndetësinë ka folur në Report Tv mbi punën 4 mujore që pritet të ketë ky komision. Metaj thotë se është e rëndësishme transparenca për publikun dhe shou që po përpiqet të bëjë opozita.
Ndalur në listën e dëshmitarëve që prezantoi dje kryetarja Albana Vokshi, ku mes tyre ishte edhe kryeministri Edi Rama, e 5 ministra e ish-ministra, Metaj thotë se ishte një listë tepër e ekzagjeruar. Madje ai ironizon Vokshin duke thënë se mungonte në listë presidenti i SHBA, apo shefi i NATO-s.
“Më çuditi që në listën e paraqitur nga Vokshi, mungon presidenti i SHBA, apo shefi i NAT0-s, i OKB. Është një listë tepër e ekzagjeruar, ne do kemi rolin tonë në miratimin e listës. Rëndësi ka transparenca e fakteve për publikun, se shou politik që mund të kenë për qëllim anëtarët e opozitës”, tha Metaj.
Në emisionin 'Sot Live në Shqipëri' me gazetarin Nertil Agalliu, Metaj thotë se do të analizojnë materialet e hetimeve dhe nëse do konstatojnë se dikush nga lista nuk ka lidhje me objektin e hetimit edhe mund të rrëzojnë marrjen e dëshmisë së tij. Metaj tha gjithashtu se do të kujdesen që lista e dëshmitarëve mos të ketë mbivendosje me atë të SPAK, çka do të thotë se një nga personat kyç, Ilir Beqaj i thirrur disa herë në prokurorinë e Posaçme mund të mos dëshmojë para këtij komisioni hetimor.
“Ne do të analizojmë situatën, do kemi parasysh materialet që do na vihen para, do verifikojmë pjesën e marrjes së dëshmitarëve, është diçka që e lidh këtë dëshmitar që e lidh me objektin hetimor. Mund të ketë dëshmitarë që janë të thirrur nga SPAK, ne duhet të respektojmë një raport konfidencialiteti. Do kemi filtrin tonë brenda kuadrit ligjor. Komisioni nuk mund të dublojë as prokurorinë as gjykatën”, vijon Metaj.
Anëtari socialist i komisionit thekson se mbledhjet mudn të jenë edhe me dyer të mbylluara, duke argumentuar edhe arsyet.
“Do ketë pjesë të këtij komisioni në rastin kur ka dëshmitarë në listën e SPAK, apo kur SPAK është i interesuar që pika të caktuara të hetimit mos të bëhen publike, në raste të tilla zhvillimi do bëhet me dyer të mbyllura”, thekson Metaj.
Komisioni Hetimor për koncesionet në Shëndetësi, sterilizimi dhe check up, nisi dje punën dhe u miratua edhe plani paraprak i hetimit. Puna e komisionit zgjat 4 muaj, ndërsa dëshmitarët do thirren deri më datë 10 qershor.
Deputeti i PS, Ilir Metaj foli në Report Tv edhe për situatën e krijuar në Bashkinë e Himarës, ku dy kryebashkiakët, ai i zgjedhuri Fredi Beleri dhe ai në detyrë Jorgo Goro, ndodhen në burg.
Metaj tha se drejtimi i takon një prej nënkryetarëve.
“Nëse e keni për të komanduarin duhej të ishte anëtar i këshillit bashkiak, se u takon atyre të vendosin. Janë ata që do përcaktojnë emrin. Është i përcaktuar një nga nënkryetarët, por lihet edhe alternative për të zgjedhur anëtarët e këshillit bashkiak”, tha Metaj.
Një koment e pati edhe për normalitetin në Kuvend, duke thënë se PS po bën detyrën e saj, por është opozita ajo që i thirri mendjes.
“Ne s’kemi vendosur paqe, ne jemi në kohezionin tonë. Në respekt dhe përgjegjësisë së kryerjes së detyrës së deputetit. Ne s’kemi vendosur paqe, jemi aty për të bërë punën tonë. Nëse opozita i ka thirr mendjes dhe kanë kuptuar që janë futur në një rrugë që s’të kanë çuar askund i kanë thirrur mendjes për tu futur në rrugën e kushtetutshmërisë. Ata erdhën atje ku duhej të ishin që në krye të herës”, tha deputeti i PS.
Komente
Lajme të tjera
-
Konferenca e Kryetarëve/ PS rrëzon komisionin hetimor për Ballukun, lidhur me Porto Romanon! Bardhi: Aferë korruptive! Balla: Kërkoni 6 muaj hetim, s'ka kohë
23 Dhjetor, 12:27 -
Balla takim me punëtorët shqiptarë në Toskana: Deri në Pashkë shpresojmë të arrijmë marrëveshjen për njohjen e pensioneve! Merrni pjesë në votime
21 Dhjetor, 17:10 -
Paralajmërimi i Bashës për opozitën: Koha na dha të drejtë, pazari Rama-Berisha për të mbrojtur pandëshkueshmërinë, ishte mesazh kundër SPAK
21 Dhjetor, 16:57 -
Ylli Pata: A do pranohet nga socialistët, propozimi i SHBA për zgjatjen e mandatit të prokurorëve të SPAK?
20 Dhjetor, 19:33
-
Shqipëria e Kosova nesër mbledhje të përbashkët të dy Kuvendeve, ‘përjashtohen’ Berisha e Basha! Lista e deputetëve pjesëmarrës
19 Dhjetor, 14:16 -
Ben Andoni: Politika nuk i njeh më shqiptarët
17 Dhjetor, 17:42
-
Projektligji i PS-së për faljen e gjobave kalon në komisione, amnisti dhe për ndërtimet individuale pa leje në fshat e qytet në 10 vitet e fundit
17 Dhjetor, 11:38 -
Zgjedhjet 2025 dhe vota e diasporës, Rama mbledh në seli drejtuesit politikë të PS
16 Dhjetor, 10:42 -
Eduard Zaloshnja: A do të bëhen partitë e reja pengesë për 84 mandatet e Ramës?
15 Dhjetor, 12:44
-
PS ndez motorët në Kukës, Majko: Opozita e vjetër destabilizuese, e reja populiste! Kushi: Më shumë angazhim për votën e diasporës
14 Dhjetor, 21:10
-
Përplasja për mandatin e Zaçajt, Logu në Report Tv: Ka prapavijë politike, grusht shteti! Kara: E nxitur nga Berisha! Avokati: PS-PD janë bërë bashkë
13 Dhjetor, 18:30 -
Sondazhi i Report Tv/ Nëse votohet sot, PS merr mandatin e 4! Bie mbështetja për PD, rriten me 5% partitë e reja! Dumani kampion i antikorrupsionit, diaspora: Mesazh kundër Berishës
12 Dhjetor, 22:59
Aa mortja kush flet.mjer parlamenti jon ca mban
PërgjigjuNa mbyten spihunat Ilir Metaj
Përgjigju