POP 5

Lajmet më të lexuara të 5 minutave të fundit

Kronikë

Komisioni i Jashtëm miraton marrëveshjen e ekstradimit Shqipëri-Spanjë! S'aplikohet për kërkesat e ekstradimit të paraqitura para hyrjes në fuqi të marrëveshjes

Marrëveshja e firmosur në 4 tetor të vitit të kaluar në Madrid mes kryeministrit Rama dhe homologut të tij spanjoll për ekstradimin e ndërsjellë të të arrestuarve është miratuar edhe në komisionin parlamentar të politikes së Jashtme. Miratimi i saj i hap rrugën ekstradimit reciprok mes dy shteteve.

Komisioni i Jashtëm miratoi sot marrëveshjen e ekstradimit mes Shqipërisë dhe Spanjës e cila u firmos nga kryeministri Rama dhe homologu i tij spanjoll Castejon më 4 tetor të vitit të kaluar në Madrid.

Marrëveshja e cila përmban 5 nene i hap rrugën ekstradimit të ndërsjellë të të arrestuarve nga të dy vendet me qëllim ndjekjen e tyre penale dhe zbatimin e vendimeve të gjykatave.

Sipas saj palët bien dakord se shtetësia nuk do të jetë pengesë për ekstradimin e shtetasve të tyre. Deputetët por edhe institucionet e drejtësisë si prokuroria e Përgjithshme dhe Këshilli i Lartë Gjyqësor janë shprehur parimisht dakord për këtë iniciativë, ndërsa këshilli i lartë i prokurorisë nuk ka dhënë mendim.

Në këtë marrëveshje parashikohet bashkëpunim mes ministrisë së Drejtësisë së Shqipërisë dhe asaj të Mbretërisë së Spanjës në zbatimin e saj.

Kjo marrëveshje do të aplikohet për vepra penale të kryera para dhe pas hyrjes në fuqi të saj, por nuk mund të aplikohet për kërkesat e ekstradimit të paraqitura para hyrjes në fuqi të saj.

Në nenin 5 të projektligjit parashikohet se marrëveshje mund të përfundojë brenda 6 muajve nëse njëra palë e kërkon përmes rrugë e diplomatike.

Qeveria sqaron se kjo marrëveshje nuk parashikon nevoja buxhetore shtesë. Çdo kosto e procedurës së ekstradimit do të përballohet brenda buxhetit të institucioneve të ngarkuara për zbatimin e saj.

SI.E./AV/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 21 Janar, 08:38

    14 vite nga vrasja e 4 protestuesve, do bëjë SPAK drejtësi për 21 janarin?

Lajme të tjera



×

Lajmi i fundit

VIDEO/ Aksioni nis nga Ernest Muçi, Besiktas shënon supergol me Rashicën në EL

VIDEO/ Aksioni nis nga Ernest Muçi, Besiktas shënon supergol me Rashicën në EL

22 Janar, 16:56