Tiranë- Ushtria shqiptare do të fuqizohet me 2100 forca rezerviste deri në vitin 2030.
Ky është synimi i projektligjit për organizimin dhe funksionimin e Forcës Rezerviste në Republikën e Shqipërisë, që u miratua sot (26 Nëntor) në Komisionin e Ligjeve.
Ministri i Mbrojtjes Pirro Vëngu sqaroi se përmes kësaj nisme synohet të rritet forca ushtarake në dispozicion si për misione jashtë vendit ashtu edhe për përballimin e fatkeqësive natyrore.
“Një arsye që na ka shtyrë për ta sjellë këtë projektligj në kuvend është edhe situata e sigurisë kohët e fundit. Sipas planit deri në 2030, të kemi 2100 rezervistë, nëse nuk kërkojnë kushtet më shumë. Është parashikuar edhe përfshirja e rezervistëve në misione jashtë vendit. Benefitet e kësaj nisme ka të bëjë me rritjen e burimeve njerëzore, ka kosto më efektive pasi rezervistët janë me kohë të pjesshme dhe me kosto të ulët në raport me ushtarakun me kohë të plotë. Po ashtu rritet gatishmëria e mbrojtjes dhe shumëfishon forcat për misione apo angazhime në rastet e fatkeqësive ”, tha Vëngu.
Për t’u bërë rezervistë të drejtën do ta kenë të gjithë shqiptarët e padënuar e po ashtu edhe ish-ushtarakët.
“Mund të angazhohen shtetas të padënuar, ish ushtarakë por edhe të tjerë që nuk kanë qenë ushtarak. Pranohen deri në 50 vjeç për rezervistë, 55 vjeç për nën oficer dhe 60 vjeç për oficer”, tha Vëngu.
Rezervistët do të merren edhe nga diaspora, ndërsa angazhimi do të jetë vullnetar dhe i paguar.
“Synojmë të kemi një program të dedikuar për rezervistët në diasporë. Kostoja do të jetë 1.6 miliardë lekë në vit, nëse marrin të mirëqenë që deri në 2030 do kemi 2100 rezervistë. Paga do të jetë sa paga mesatare e ushtarakëve, prej 46 mijë lekë të reja dite pa kosto të tjera”, tha Vëngu.
Kohëzgjatja e shërbimit rezervistë do të jetë nga 14-45 ditë në vit, por ky afat mund të zgjatet nëse rezervisti firmos kontratën për të marrë pjesë në misione ushtarake jashtë vendit. Kush do të bëhet pjesë e rezervës do të ketë kontratë shërbimi jo më pak se 2 vite me të drejtë rinovimi.
Lajme të tjera
-
Buxheti 2025, Kuvendi shpërndan para shtesë për institucionet e drejtësisë! 100 mln lekë për godinën e re të SPAK, fond pagash për stafin e Komisionerit Publik
26 Nëntor, 07:06 -
Buxheti 2025 kalon te 'Ligjet': 500 milionë lekë më shumë për zgjedhjet, 200 milionë lekë për SPAK, shtesa për sigurinë kibernetike dhe institucionet e Drejtësisë
25 Nëntor, 19:58 -
Kuvendi në seancë të posaçme, kryeparlamentarja e Çekisë: Mbështesim anëtarësimin e Shqipërisë në BE! Ka rol të rëndësishëm kundër ndikimit rus
25 Nëntor, 17:18 -
Programi Albadapt për rreziqet ndaj klimës, 35 milionë euro nga qeveria gjermane! Kumbaro: Modernizim i infrastrukturës digjitale! Vengu: Të përfshijmë vullnetarët
25 Nëntor, 13:50 -
Ministri Vengu takime me zyrtarë të lartë në SHBA: Shqipëria e angazhuar për forcimin e bashkëpunimit në mbrojtje dhe sigurinë globale
23 Nëntor, 19:32 -
Moti i keq, Ministria e Mbrojtjes: Situata është qetësuar dhe po shkon drejt normalizimit
22 Nëntor, 19:02 -
Stuhi në gjithë vendin/ Mijëra banorë pa drita! Anulohen lundrimet Durrës-Bari! Mbyllet spitali i Pukës, uji hyn në pavijone! Dukagjini në izolim (VIDEO)
22 Nëntor, 10:11 -
Buxheti 2025/ Shehi kërkon rritjen e pensioneve te Ekonomia: Le të rritet borxhi me 0,4%, pse medalje nga FMN do marrim?!
20 Nëntor, 17:27 -
Kuvendi miraton në parim pr/buxhetin e vitit 2025, PS kalon portofolin 8.2 miliardë euro me 75 vota! PD-së i dështon protesta
19 Nëntor, 20:40 -
Si do shpenzohen 8.2 mld euro në vitin 2025? Ja shpërndarja e buxhetit, institucionet që marrin më shumë lekë
19 Nëntor, 19:21
-
Kuvendi debat për vrasjen e 14-vjeçarit, Zhupa: Manastirliu të dorëhiqet, ku e çuat 'Paketën e Sigurisë' në shkolla? Balla: Mos bëni politikë, na jepni votat ta miratojmë! PD 1 minutë heshtje pa PS
19 Nëntor, 07:25 -
Vrasja e 14-vjeçarit bëhet ‘mollë sherri’ në Kuvend/ Zhupa: Ministrja e Arsimit të japë dorëheqjen me turp, përgjegjës dhe ai i Brendshëm! Manastirliu: Të mos promovojmë gjuhën e urrejtjes
18 Nëntor, 15:21
