Me këto veprime, zyrtarët e Ministrisë së Punëve të Brendshme kanë bërë shkelje të Ligjit për Gjendjen Civile.
“Korrigjimet dhe plotësimet në dokumentet e arkivuara bëhen me vendim gjyqësor të formës së prerë apo me vendim të lëshuar nga Zyra e Gjendjes Civile (zyra komunale)”, thuhet në pikën e parë të nenit 23 të Ligjit për Gjendjen Civile.
Dhe pikërisht ndryshimet e datëlindjeve dhe statuseve personale nga një komision i MPB-së, në mënyrë kundërligjore, kanë bërë që misioni i BE-së për forcimin e sundimit të ligjit- EULEX të nisë hetimet në lidhje me këto shkelje.
Kështu kanë bërë të ditur burime të “Zërit” brenda MPB-së, ndërsa një gjë e tillë vërehet edhe në dosjen me ndryshime të datëlindjeve, të cilën e ka siguruar gazeta, e ku në mes tjerash figuron edhe lista me emrat e kandidatëve që Ministria e Punëve të Brendshme ia ka dërguar EULEX-it.
/rg/shqiptarja.com/
![](https://www.shqiptarja.com/template/img/sh_logo1.png)