POP 5

Lajmet më të lexuara të 5 minutave të fundit

Kronikë

Komisioni për 'Dick Marty', Manja: Kanë ardhur dokumentet sekrete nga SHISH dhe Ministria e Jashtme! Do raportojnë ish komandantët shqiptarë që luftuan në Kosovë

Ka zgjatur vetëm pak minuta mbledhja e komisionit të Posaçëm për informimin në lidhje me gjetjet për raportin e ‘Dick Marty’, ku janë regjistruar procesverbalet dhe dokumentet e ardhura nga institucionet e ndryshme që ky komision ka kërkuar informacion. Kryetari i këtij komisioni, Ulsi Manja tha se kanë ardhur dy raporte sekrete nga SHISH dhe Ministria e Jashtme.

Ka zgjatur vetëm pak minuta mbledhja e komisionit të Posaçëm për informimin në lidhje me gjetjet për raportin e ‘Dick Marty’, ku janë regjistruar procesverbalet dhe dokumentet e ardhura nga institucionet e ndryshme që ky komision ka kërkuar informacion. Kryetari i këtij komisioni, Ulsi Manja tha se kanë ardhur dy raporte sekrete nga SHISH dhe ministria e Jashtme dhe se do të shqyrtohen, ndërsa tha se anëtarët e këtij komisioni janë pajisur me certifikatën e sigurisë për të pasur akses në raportet sekrete.

“Janë depozituar 2 dokumente sekrete nga SHISH dhe Ministria e Jashtme. Është dorëzuar dokumentacioni i kërkuar nga Ministria e Drejtësisë dhe ajo e Brendshme. Kanë dorëzuar dokumentacionin e kërkuar Prokuroria e Përgjithshme dhe Ministria e Jashtme”, tha Manja.

Sekretarja e Komsionit të Posaçëm, Klodilda Bushka tha se në fakt kanë ardhur dokumente voluminoz që do të kërkojë kohë dhe punë në shqyrtimin e tyre.

'Të gjithë institucionet janë përgjigjur dhe duhet kohë për t’u njohur me aktet dhe materialet', tha Bushka

Ndërsa zv.kryetari i komisionit Enver Roshi ka kërkuar seancë dëgjimore me ish komandantët shqiptarë që kanë marrë pjesë në luftën e Kosovës për të dëshmuar në mënyrë që të ndihmojnë në sqarimin e çështjes.

“Di që ish komandantë dhe gjeneralët shqiptarë kanë qenë në luftën e Kosovës dhe se ato mund të vijnë të dëshmojnë në këtë komision për të ndihmuar më tej me sqarimin e çështjes”, tha Roshi

Ky komision është miratuar nga Kuvendi i Shqipërisë për administrimin e dokumentacionit dhe hartimin e një raporti përmbledhës dhe informues për gjetjet dhe konkluzionet, që kanë nxjerrë verifikimet e kryera nga institucionet përkatëse në Shqipëri për çështjet e raportit të Dick Marty për krimet e luftës në Kosovë, që implikonte UÇK-në por edhe shtëpinë e verdhë në Mat të Shqipërisë ku pretendonte se në të kryhej trafik organesh.

I.K/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 27 Janar, 09:30

    A mendoni se vota e diasporës do të jetë përcaktuese në zgjedhje?

Lajme të tjera



×

Lajmi i fundit

Krijimi i Bankës Shtetërore për Zhvillim, kundërshtitë mes Tabakut dhe Berishës

Krijimi i Bankës Shtetërore për Zhvillim, kundërshtitë mes Tabakut dhe Berishës

27 Janar, 17:43