Në mbledhjen e Komisionit parlamentar për punë të brendshme u diskutua situata në pjesën veriore të Kosovës, përderisa dolën shtatë rekomandime për ministrinë e brendshme e cila obligohet ti ndërmarrë në atë pjesë.
Vlerësimin i situatës atje dhe veprimi me të gjitha mjetet kushtetuese dhe ligjore për vënien e rendit dhe ligjit, funksionalizimin e institucioneve për mbrojtjen e rendit kushtetues, ndërmarrjen e masave të nevojshme për mbrojtjen e jetës, lëvizjes së lirë dhe pronës së qytetarëve ishin ndër obligimet që iu dhanë Ministrisë së Brendshme përderisa minsitri Bajram Rexhepi dhe shefi i Policisë Shpend Maxhuni do të paraqiten sërish pas 15 ditëve në komision për të raportuar për masat që janë ndërmarrë atje.
Ndërkohë, anëtarë të komisionit, shpërthimet në veri dhe vrasjen e Selver Haradinaj e kanë cilësuar si përpjekje për spastrim etnik.
/rg/shqiptarja.com/