TIRANË- Komiteti Shqiptar i Helsinkit (KShH) ka deklaruar se partitë politike nuk kanë respektuar Kodin Zgjedhor pasi kanë nisur fushatën zgjedhore para kohe. Në një deklaratë për media, KShH thotë se janë zhvilluar takime elektorale në ambiente publike si lagje, rrugë me grupe qytetarësh apo edhe në lokale private, e ndërsa thekson se pjesë e këtyre takimeve kanë qenë edhe përfaqësues të administratës.
“Komiteti Shqiptar i Helsinkit (KShH) është duke monitoruar procesin parazgjedhor të zgjedheve për organet e qeverisjes vendore të dt.14 Maj 2023. Pavarësisht se fushata zgjedhore sipas nenit 77 të Kodit Zgjedhor, duhet të fillojë vetëm 30 ditë para ditës së zgjedhjeve, vëzhguesit afatgjatë të KShH-së kanë raportuar se ky detyrim nuk është respektuar, pasi janë referuar raste të zhvillimit të takimeve elektorale në ambiente publike si lagje, rrugë me grupe qytetarësh apo edhe në lokale private. Në një pjesë të këtyre rasteve, pjesëmarrës kanë qenë edhe përfaqësues të administratës publike, ngjarje për të cilat, KShH ka venë në dijeni Komisionin Qendror të Zgjedhjeve, pasi ka vlerësuar se është cenuar neni 91 i Kodit Zgjedhor që ndalon përdorimin e burimeve publike në mbështetje të subjekteve zgjedhore”, thuhet në deklaratë.
Nga ana tjetër, ato bëjnë thirrje për zbardhje të tritolit në Vaun e Dejës të kreut të PD-së, Bernard Ndreca.
“Në vigjilje të fushatës zgjedhore zyrtare, KShH dënon ashpër aktin kriminal me rrezikshmëri të theksuar shoqërore ndaj kreut të PD-së në Vaun e Dejës, Z. Bernard Ndreca, nëpërmjet vendosjes në makinën e tij, të një sasie eksplozivi që shpërtheu, por që fatmirësisht nuk ka patur të lënduar. KShH i bën thirrje prokurorisë që të hetojë çështjen me përparësi, në mënyrë të gjithanshme dhe me objektivitet. Zbulimi i shpejtë, vërtetimi i motiveve të këtij krimi dhe ndëshkimi përkatës i autorit ose autorëve të kësaj vepre të rëndë penale do t’i shërbente jo vetëm parandalimit të krimit, por edhe pritshmërisë së opinionit të gjerë publik”, vijon deklarata.
Ato kanë edhe një mesazh partive politike.
“Në përfundim, duke marrë në konsideratë që në këtë klimë parazgjedhore, një pjesë e zgjedhësve të kontaktuar nga KShH në disa Bashki të vendit kanë shfaqur haptazi mosbesim sa i takon forcave politike dhe institucionit të zgjedhjeve, Ju bëjmë thirrje të gjithë subjekteve zgjedhorë, garuese në zgjedhje, të ndalin e shmangin gjuhën e urrejtjes, të angazhohen seriozisht për krijimin e një mjedisi të favorshëm për ushtrim lirisht të së drejtës së votës, nga zgjedhësit shqiptarë. Në këtë drejtim, është e rëndësishme të zhvillohet një fushatë e kulturuar dhe e ndershme, duke respektuar dinjitetin njerëzor të kundërshtarëve politikë, që synon të informojë zgjedhësit për platformat politike dhe risitë e tyre”, përfundon deklarata.
Lajme të tjera
-
Zgjedhjet vendore, Komiteti Shqiptar i Helsinkit: Fushata zgjedhore nisi para kohe, zgjedhësit hasën vështirësi në gjetjen e emrave në listat zgjedhore
12 Maj 2023, 19:42 -
Komiteti shqiptar i Helsinkit shpreh shqetësime për votimin elektronik: Qytetarët s’kanë interes të mësojnë përdorimin
24 Prill 2023, 14:21 -
Shkrirja e Gjykatave të Apelit, Komiteti shqiptar i Helsinkit: Aksesi i qytetarëve në drejtësi do vështirësohet, kosto e shtuar për ta
31 Janar 2023, 21:11 -
Vdekja në burg e të arrestuarit për inceneratorin e Fierit, KShH: Autoritetet po ngjallin dyshime, nuk japin informacione për vëzhguesit tanë
13 Janar 2023, 18:39 -
Vdekja e Lear Kurtit, Komiteti Shqiptar i Helsinkit: Punonjësit e policisë ta dërgonin me urgjencë në spital dhe jo komisariat! Të hetohen veprimet e tyre
21 Tetor 2022, 16:59 -
Vetëvrasja e Ilvi Metës, Komiteti Shqiptar i Helsinkit: Polici i turnit shënoi në libër se i riu mund të vetëvritej! Ngjarja tragjike mund të parandalohej
6 Maj 2022, 14:21 -
Kreu i Komitetit Shqiptar të Helsinkit në Report Tv: Kundër hartës së re gjyqësore, cenon aksesin e qytetarëve në organet e drejtësisë
15 Shkurt 2022, 19:41 -
Nënshkruhet marrëveshja e bashkëpunimit mes Policisë së Shtetit dhe Komitetit Shqiptar të Helsinkit
11 Janar 2022, 16:14 -
Propozime nga PD dhe PS për ndryshimet kushtetuese, Komiteti Shqiptar i Helsinkit: Të mos ketë nxitim! Për vettingun e politikanëve të pyetet 'Venecia'
27 Tetor 2021, 09:43 -
Ligji për Policinë e Shtetit/ Gjykata Kushtetuese rrëzon përgjimin nga policia pa lejen e prokurorisë: Cenohet e drejta e jetës private dhe siguria juridike
5 Korrik 2021, 16:16 -
Mungesa e gjyqtarëve bllokon gjykatat, Helsinki ngre alarmin: Në Gjykatën e Lartë situata më e rëndë
22 Shkurt 2021, 17:09 -
Raporti i Helsinkit/ 1 gjyqtar me 13 mijë çështje, 'të mbytur' nga dosjet, rekord Gjykata e Lartë
20 Shkurt 2021, 14:18
