POP 5

Lajmet më të lexuara të 5 minutave të fundit

Sociale

Wizz Air braktis 150 pasagjerë në aeroportin e Milanos, anulon fluturimin drejt Rinasit

Kompania Wizz Air ka lënë sërish në mes të rrugës pasagjerët. 150 shqiptarë kanë mbetur prej mbrëmjes së të mërkurës në aeroportin e Milanos pasi fluturimi drejt Tiranës u anulua në minutë të fundit dhe pa asnjë sqarim nga kompania. Fëmijë të vegjël, të rritur dhe të moshuar e kanë kaluar gjithë natën në aeroport.

Në Shqipëri duhej të kishin mbërritur të mërkurën në mesnatë, por 150 pasagjerë, shumica shqiptarë, me biletë fluturimi me kompaninë ‘Wizz Air’ kanë mbetur ende në aeroportin Malpensa në Milano. Foto njerëzit. Nisja nga Milano ishte parashikuar në orën 22:30, por  ‘Wizz Air’ njoftoi pasagjerët se fluturimi do të shtyhej me një orë, situata këto të përsëritura nga e njëjta kompani. Siç pasagjerët tregojnë për Report Tv, edhe kjo orë pritjeje ishte sfilitëse pasi mes tyre kishte dhe fëmijë e të moshuar.

“Ja ku e kam një fëmijë, po luan me ngjyra. Nga mbrëmë qëndron nëpër karrige”, tha një pasagjere.

Por kjo nuk ka mjaftuar, Nuk kaloi shumë dhe kompania ‘Wizz Air’ i njoftoi se fluturimi drejt Tiranës u anulua.

“Me keqardhje ju informojmë se fluturimi juaj W4 6610 MXP-TIA është anuluar. Si kompani ajrore, ndonjëherë mund të përballemi me situata që çojnë në vonesa ose anulime të paparashikuara, për të cilat kërkojmë sinqerisht falje”, thuhej në njoftim.

Pasagjeri, që si shumë të tjerë mbeti në mes të aeroportit pa zgjidhje, na tregon se shumë udhëtarë nisën të shfaqin edhe probleme shëndetësore,

“Njëra ishte zonjë nga Durrësi. E kapi stresi. Diabeti lartë.”, tregon ai.

Natën e kaluan pa përgjigje në aeroport, sepse për të prerë në minutë të fundit një biletë të re kthimi për në Shqipëri, kostoja është shumë e lartë. Pasagjeri tregon për Report Tv se vetëm mëngjesin e së enjtes, kompania Wizz Air i ka njoftuar me e-maili për mundësitë që pasagjerët mund të shfrytëzojnë për kthimin ne atdhe. Një rezervim të ri në kompaninë Wizz Air në të njëjtin itinerar brenda 30 ditësh. Por, një nga pasagjerët na tregon se përpjekja për të përfituar këtë mundësi është e kotë, pasi Wizz Air shfaq në faqen e saj online, vetëm një fluturim të ardhshëm për të shtunën.

Alternativa tjetër është për anulimin e rezervimit dhe kërkesën për rimbursim nga kompania në vlerën 120% të biletës. Por nëse do të paguanin një biletë të re në një tjetër kompani, sot për sot, minimalisht do të kushtonte 250 deri në 500 euro vetëm kthimi, që nuk do të justifikonte as rimbursimin për çmimin lowcost me të cilën kanë paguar te Wizz Air.

“Do ta përballojmë se nuk kemi çfarë të bëjmë. Tani Shqipëri-Itali është Sold out. Ka mbetur vetëm me autobus”, tha një qytetar.

Kjo nuk është hera e parë që kompania e fluturimeve 'Wizz Air', braktis udhëtarët shqiptar në mes të udhëtimit.

SI.E./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Selvete: 14/07/2023 13:48

    Asnjeher ,tash e tutje per Prishtin

    Përgjigju
  • Blendi: 14/07/2023 13:06

    Une personalisht do udhetoja ate nate me ate avion. Asnje njoftim,asnje sqarim. Dhe deri me sot te email qe na dergoi kompania te nesermen, nuk te jep mundesine as te besh nje prenotim te ri, sic thuhet gjoja ne ate email. Kane marre leket dhe ciao. Duhen marre masa,se fluturime apo vonesa kane ndodhur edhe me kompani te tjera por te japin mundesine e nje zgjidhjeje. Kurse me Wizzair te vjedhin dhe te mashtrojne haptasi. Mos prenotoni me me kete kompani.

    Përgjigju
  • Iris: 14/07/2023 02:20

    Kur ndodhen para disa muajsh ne U.S,anullime e vonesa me kompanite e fluturimeve,Kongresi e qeveria ua tundi mire dhembet pergjegjesve.Nuk me duket se kuvendi,apo qeveria shqiptare jane marre ndonje here me kete problem,s.d.q,kur kerkon te udhetosh /low cost/ kete do te korresh.

    Përgjigju
  • Niku: 13/07/2023 15:52

    Gjeja me e thjeshte eshte mos blini bileta tek kjo kompani ,, Wizz air kompani me e poshter ajerore ,MOS UDHETO ME WIZZ AIR..!!

    Përgjigju
    • Goni: 13/07/2023 19:48

      Po, dakort me ty jam. Puna eshte cfare mbetet tjetrr ? Problemi eshte qe jemi vend i dhj… dhe treg shume i vogel dhe nuk eshte interesant per kompanite ajrore qe ta sherbejne. Kjo si rrjedhjoe sjell qe te kete ne treg kompani te vogla dhe pa cilesi si kjo dhe te gjithe jemi te detyruar qe ta perdorim.

  • xhovani: 13/07/2023 14:39

    E njejta gje edhe sot nga bergamo. Kaq shpesh ndodh vetem me ne Shqiptaret. Turp!

    Përgjigju
  • XHA JAHO: 13/07/2023 08:14

    Ankohuni te Aviacioni Civil se jane ata qe tallen me shqiptaret dhe nuk i heqin licensat kompanive te fluturimit per mosrespektim marrveshje.

    Përgjigju
    • Ardian iljazi: 13/07/2023 08:44

      Oh ne jemi fajtor qe magjupit hungarez I japim pare ne duhet te ankohemi

  • Sondazhi i ditës:
    16 Nëntor, 09:13

    Kush ka pension më të ulët bonus më të madh në fundvit? Si e vlerësoni?

Lajme të tjera



×

Lajmi i fundit

Zyrtari i lartë rus: Vendimi i Biden për Ukrainën mund të çojë në Luftën e Tretë Botërore

Zyrtari i lartë rus: Vendimi i Biden për Ukrainën mund të çojë në Luftën e Tretë Botërore

17 Nëntor, 22:58