POP 5

Lajmet më të lexuara të 5 minutave të fundit

Ekonomi

Kompanitë e huaja 260 mln euro
fitim, shumica transferohen jashtë

Pavarësisht nga kriza, është rritur me 32 për qind fitimi i kompanive të huaja, që operojnë në vendin tonë, kryesisht ato që kanë licensa për veprimtari në fushën e telefonisë celulare dhe të sektorit bankar të nivelit të dytë.
Kompanitë e huaja 260 mln euro<br />fitim, shumica transferohen jashtë
TIRANE - Fitimet e deklaruara nga 20 kompanitë më të mëdha të huaja që ushtrojnë aktivitetin në Shqipëri rezultuan 260 milionë euro në vitin 2012, sipas të dhënave zyrtare dhe përfundimtare nga Tatimet. Këto fitime deklarohen çdo vit me detyrim, sipas ligjit për procedurat tatimore, deri në fund të muajit mars dhe, në bazë të këtyre deklarimeve, kompanitë paguajnë edhe tatimfitimin, në shkallën 10 për qind, sipas taksës së sheshtë në fuqi.

Në përputhje me këto deklarime për vitin e kaluar, del se, pavarësisht faktit që ekonomia shqiptare shënoi ritmet më të ulëta të rritjes në dekadën e fundit, prej vetëm 1.6 përqindësh, pjesa më e madhe e kompanive të mëdha të huaja kanë arritur që të shtojnë ndjeshëm fitimet, gjë që po ndodh pa ndalur gjithë këto vite të pranisë së tyre në ekonominë e vendit.

Sipas të dhënave të depozituara pranë administratës tatimore nga ana e subjekteve në fjalë, që operojnë në vendin tonë, fitimet e deklaruara të 20 kompanive më të mëdha të huaja në Shqipëri rezultojnë të jenë rritur me 32 për qind në vitin 2012, në krahasim me një vit më parë (nga 27 miliardë lekë të reja të deklaruara në 2011-n, në 35 miliardë lekë në 2012-n).

Fitimet e këtyre kompanive janë të barabarta me gati 40 për qind të të gjitha fitimeve të deklaruara nga 800 bizneset më të mëdha në vend.

Një pjesë e konsiderueshme e këtyre fitimeve transferohen jashtë vendit. Në fakt, tremujori i dytë i vitit shënoi një nënçmim të ndjeshëm të lekut, me euron që iu afrua niveleve të saj më të larta të gati dy viteve, pranë 142 lekëve për një euro, si rrjedhojë e kërkesës së lartë për valutë, nga bankat, që blinin për llogari të klientëve të tyre.

Kompanitë me fitimin më të lartë në vlerë absolute mbeten dy operatorët kryesorë celularë, AMC dhe Vodafone, të ndjekura nga bankat, si Raiffeisen, Banka Kombëtare Tregtare apo Intesa Sanpaolo.

Shkrimi u botua sot në gazetën Shqiptarja.com (print) 07.06.2013
 
Redakisa Online
(b.m/shqiptarja.com)

  • Sondazhi i ditës:
    26 Nëntor, 23:23

    A po japin rezultat protestat e PD-së?

Lajme të tjera



×

Lajmi i fundit

Sot Champions League është për ata me zemër të fortë! Liverpool pret Real Madridin, Juve e Dortmund në udhëtim

Sot Champions League është për ata me zemër të fortë! Liverpool pret Real Madridin, Juve e Dortmund në udhëtim

27 Nëntor, 08:43