POP 5

Lajmet më të lexuara të 5 minutave të fundit

Ekonomi

Kompanitë shqiptare, 206 mln
euro investime jashtë vendit

Investimet e kompanive shqiptare jashtë vendit kanë arritur në fund të vitit 2012 në 206 milionë euro, sipas raportit vjetor të investimeve, hartuar nga UNCTAD dhe të publikuar pak ditë më parë.
Kompanitë shqiptare, 206 mln<br />euro investime jashtë vendit
TIRANE - Investimet e kompanive shqiptare jashtë vendit kanë arritur në fund të vitit 2012 në 206 milionë euro, sipas raportit vjetor të investimeve, hartuar nga UNCTAD dhe të publikuar pak ditë më parë.

Shqiptarët kanë investuar më shumë jashtë në raport me shtete të tjera të rajonit, në nivele të krahasueshme me ne, si Maqedonia, bizneset e të cilës kanë një stok të investuar jashtë prej vetëm 104 milionë dollarë dhe në nivele pak më të ulëta se Bosnja, me 286 milionë dollarë.

Rekordin për investime dalëse në rajon e mbajnë Kroacia dhe Serbia, përkatësisht me 4.5 dhe 2.2 miliardë euro. Rritja e shpejtë e kompanive gjatë viteve 2004-2007 i nxiti bizneset shqiptare të investonin brenda vendit, por të rrisnin ndjeshëm edhe investimet në tregjet e huaja.

Nuk ishin të paktë sipërmarrësit që nisën dhe zhvilluan projekte në vendet e rajonit e madje edhe në shtete europiane, si Itali, Austri, etj. Më  aktivet në investime kishin firmat e ndërtimit, që nisën ndërtimin e komplekseve të banimit dhe të hapësirave tregtare.

Megjithatë, këto investime rezultojnë të jenë goditur nga kriza ekonomike europiane, sidomos kompanitë e ndërtimit.

Shkrimi u botua sot në gazetën Shqiptarja.com (print) 04.07.2013
 
Redaksia Online
(b.m/shqiptarja.com)

  • Sondazhi i ditës:
    27 Nëntor, 11:43

    Si e vlerësoni vendimin e GJKKO që liroi Berishën nga arresti shtëpiak?

Lajme të tjera



×

Lajmi i fundit

‘Të kam xhan’, zbardhen bisedat mes ish-kryegjyqtares dhe Suel Çelës: Ti më ke mua, unë të kam ty

‘Të kam xhan’, zbardhen bisedat mes ish-kryegjyqtares dhe Suel Çelës: Ti më ke mua, unë të kam ty

27 Nëntor, 12:08