'Komplimenta Gjeorgjisë, por barazimi do ishte më i duhuri', Sylvinho: Në tetor tentojmë kalimin e grupit

Shqipëria është mposhtur 0-1 në “Air Albania” nga Gjeorgjia. Një “humbje” që dhemb për kuqezinjtë.

Në përfundim të ndeshjes për mikrofonin e SuperSport trajneri Sylvinho tha se Gjeorgjia është ekip i mirë fizikisht dhe taktikisht dhe se Nuk është i zhgënjyer

“Ishin ndeshje të ndryshime, i jap komplimenta Gjeorgjisë. Barazimi do ishte rezultati i duhur, luajtëm njësoj. Pas golit ndryshoi çdo gjë.

LEXO EDHE:
Humbja me Gjeorgjinë/ Kapiteni Hysaj i zhgënjyer: Ja çfarë nuk shkoi! Nuk do rri te Lacio të shikoj të tjerët kur luajnë

Mungesat e Brojës e Dakut penalizuan në sulm? Për fat të keq humbëm me 1 gol. I komplimentoj lojtarët pasi bënë maksimumin. Nuk kam ankesa për futbollistët. Grupi është i ekuilibruar me kundërshtarë të vështirë.

Jam i lumtur me ekipin, nga 24 lojtar nuk i aktivizoj dot të gjithë. Pas dëmtimit të Muçollit na duhej një zëvendësues i Asanit, ndaj morëm Spahiun e Zekën. Me Asllanin jam shumë i kënaqur, ka bërë një paraqitje të mirë.

Gjeorgjia është ekip i mirë fizikisht dhe taktikisht. Jam i kënaqur me Hoxhën. E morën në miqësore dhe Europian ku e meritoi të ishte. I dëgjoj shpesh këto pyetje për lojtarët, por secili ka një rritje natyrale.

Objektivi konkret në Nations League? Nuk jam i zhgënjyer, futbolli i tillë është. Objektivi është të ecim para, të luajmë mirë e të ecim sa më shumë. Morëm një fitore në fillim, sot fatkeqsisht jo. Duam të luajm në tetor për të kaluar grupin e në nëntor të mbyllim më së miri.

A duhej Ernest Muçi përballë një ekipi si Gjeorgjia?

Në vend të kujt duhet ta merja? Ai është i fortë dhe i rëndësishëm. Lojtarët kanë nevojë për kohë kur ndryshojnë ligën, ai luan te Besiktas dhe shpresoj të bëj më të mirën për ato dhe për ne”, tha Sylvinho.

S.G/Shqiptarja.com