Komplimenti i studentes nga Kosova për stilin e veshjes: Jeni ikonë mode! Rama ia kthen me batutë: Kur Zoti nuk t’i ka dhënë të gjitha mundohesh të sajohesh

Përveç bisedave dhe pyetjeve të shumta nga takimi i kryeministrit Edi Rama me studentët e Universitetit të Prishtinës, ai mori edhe një kompliment për stilin e tij të të veshurit.

“Përshëndetje, unë jam Gjira Lika, studente e vitit të dytë Histori. Doja të thoja atë që mendoj sa herë ju dilni në televizion, se jeni ikonë e modës dhe komplimente, se pyetje nuk kam, vetëm këtë doja të thoja”, tha studentja, ndërsa salla u mbush me të qeshura.

Kryeministri Edi Rama i cili nuk e priste këtë kompliment, pasi buzëqeshi dhe heshti për disa sekonda iu drejtua vajzës me një batutë.

 “Aaa ikonë… dëgjo e di si është kjo punë? Kur t'i ka dhënë Zoti dhe natyra të gjitha, nuk ka nevojë për t'u sajuar. Por sajohesh kur s’ti ka dhënë të gjitha dhe mundohesh të rregullohesh njëçik. Kështu që vjen nga halli kjo, s’ka lidhje me… por faleminderit”, tha Rama.

Lajmi kryesor:

Rama: Të përdorim diplomacinë, shqiptarët në Preshevë harrohen, serbët në Kosovë më të përkëdhelurit! Tensionet në veri të zgjidhen me dialog, ‘boomerang' nëse ndodh si me tarifën 100%

J.GJ./B.K./Shqiptarja.com

TAG:
• edi rama
• BE
• kosove
• Albin Kurti
• serbi
• integrimi ne be
• lugina e presheves
• kosove serbi
• ballkani i hapur