Më në fund duket se shpirtrat e trazuar të Teatrit Kombëtar po bien në qetësi. Falë një negociate të gjatë dhe të lodhshme, kreu i bashkisë Erion Veliaj ka mundur të fusë në shishen e kompromisit të gjithë “djajtë” që qëndronin mbi kryet e projektit. Jo aktorët, sepse ata donin dhe duan diçka krejtësisht të drejtë, por frikën, emocionet, politizimin e skajshëm dhe përjetimet negative që kanë mbështjellë me stres dhe tension gjithë katrahurën mbi dhjetëvjeçare të ndërtimit të Teatrit të ri Kombëtar.
Gjithçka është rënë dakord mes artistëve dhe bashkisë së Tiranës do të përfshihet në një ligj të ri për teatrin. Një garanci më shumë kjo se s’do të ketë thika pas shpine dhe fjalë të pambajtura. Duke i dhënë kështu fund një kalvari që ka nisur qëkurse Kadri Roshi, Violeta Manushi e plot yje të tjerë të skenës, ishin ende gjallë e luteshin për një godinë të re teatri.
Erion Veliaj ja ka dalë të afishohet edhe një herë si negociatori i një paqeje që dukej e pamundur, pas kërcënimeve për greva urie e luftë të armatosur. Duket se do të evitohet kështu një krizë ku duhet thënë se shteti dështoi të gjejë gjuhën e përbashkët me një pjesë të komunitetit të artistëve. Linja e bisedimeve dhe tryezave të debatit nga Veliaj, e ktheu diskutimin për teatrin në shtratin e tij normal – tek komunikimi si premisë për marrëveshje, e jo tek komunikimi si ultimatum.
Ka pasur e ka shumë qëndrime për teatrin e ri. Një pjesë e publikut me të drejtë është shprehur se aktorët nuk mund të bllokojnë zbatimin e projekteve mbi institucionin ku janë pjesë, pasi asnjë i punësuar në një institucion shtetëror, nuk duhet të bëhet pengesë për modifikimin e transformimin e vendit të tij të punës. Pasi do t’i binte që të gjithë nëpunësit, specialistët apo drejtuesit e administratës shtetërore, të mos lejojnë t’u preken as zyrat, as godinat, e as territori rreth tyre.
Nga ana tjetër, nuk mund të mos merret parasysh specifika e sherrit për teatrin. Një godinë për të cilën është folur e planifikuar qysh herët shembja dhe rindërtimi si pjesë e një projekti shumëkatësh, por edhe si një simbol të marrëveshjeve delikate e të përfolura të partneritetit publik-privat. Teatri u duk se mori mbi vete gjithë dyshimet e skepticizmin për kullat që janë ndërtuar e do ndërtohen në Tiranë, por edhe PPP e tjera në sektorë të tjerë, e kjo e futi në kolaps situatën. Maxhoranca duhet ta lexojë me kujdes këtë akumulim negativ perceptimesh, duke e zhveshur atë nga politizimi i skajshëm që opozita u mundua t’i bëjë çeshtjes së teatrit.
Kompromisi për teatrin është në fakt jo vetëm premisa finale e zgjidhjes së një problemi të vjetër që ka fondi kulturor e artistik i kryeqytetit, por edhe një triumf i vogël i dialogut dhe negociatës, në vend të imponimit dhe veshit të shurdhër. E në këtë pikë stili paqëtues i Erion Veliajt dhe aftësia e tij për të mos ju shmangur kontaktit njerëzor e shikimit sy më sy, është mesa duket arma sekrete e daljes nga rruga e përplasjes për Teatrin Kombëtar. Kjo fitore personale e Veliajt, i cili gjatë këtyre javëve ka mbajtur hapur kanalet e komunikimit me komunitetin e artistëve, shënon një shembull për t’u marrë, në rrugën drejt vendimmarrjeve me interes publik. Në të cilat duhet folur, diskutuar dhe më pas vendosur. Jo e kundërta./Javanews
Lajme të tjera
-
Vijojnë punimet për ndërtimin e Teatrit të ri Kombëtar, ja pamjet me dron nga kantieri (VIDEO)
1 Nëntor, 12:02 -
Veliaj inspekton punimet te Teatri i Ri: Në 30 muaj po bëjmë atë që humbëm në 30 vjet
3 Gusht, 12:55 -
Katër vite nga shembja e Teatrit Kombëtar, Meta: Akt kriminal që ende sot mbetet pa përgjegjës
17 Maj, 12:03 -
‘Biznesmenit’ i bëhet ‘gjyqi’ në Teatër! Gëzim Kame e Viktor Zhusti ‘mbledhin’ në tryezë figura të drejtësisë në pension. Artistët rrëfejnë shfaqjen
29 Mars, 19:34
-
‘Vajza, mbajeni mirë me mamanë e atij!’, Artan Imami tregon mes batutash komedinë çmim ‘Molier’! Në regji me bashkëshorten
12 Shkurt, 17:34
-
Aleanca për Mbrojtjen e Teatrit kallëzon prokurorin Edvin Kondili, Kalaja: 4 vite që nuk hetohet dosja! 46 herë trokasim në SPAK, 0 përgjigje
31 Janar, 11:52 -
Teatri i Ri, Veliaj: Përfundon për 2 vite, do jetë kryefjala e vitit të Kulturës në 2025
22 Janar, 13:51 -
4,46 miliardë lekë, 'portofoli' i Kulturës rritet me 12% për 2024! Gjysma e buxhetit për ‘kantieret’ e hapura nga Teatri Kombëtar tek Parku i Artit
13 Nëntor 2023, 19:38 -
VIDEO/ Hidhen themelet e Teatrit të Ri, vijon puna për shtëpinë e re të aktrimit në Tiranë
30 Shtator 2023, 09:31 -
Punimet për Teatrin e ri, shembet ish-godina e Drejtorisë së Burgjeve, Veliaj: Na liron hyrjen në kantier përmes Unazës së Vogël të Tiranës
1 Gusht 2023, 13:32 -
Me pak shpirt shqiptar e shumë të qeshura, ‘Shtëpiakë të dëshpëruar’ në ArTurbina! Artan Imami: Lakmuesja ishte bashkëshortja! Pendesa për filmat e roli i partizanit te ‘Gjirokastra’
19 Qershor 2023, 14:30
-
Pas 5 vitesh dorëhiqet Dorian Koçi, Entela Çipa drejton edhe Muzeun Historik, pas Galerisë së Arteve
6 Maj 2023, 10:12
